Kirkjan sótt um hátíðarnar
Það er orðið mjög langt síðan að ég hef farið svona oft í kirkju á svo stuttum tíma.. en það er komið 3 sinnum á 6 dögum.. fór á aðfangadag til að vera við giftingu Möggu móðursystur minnar og Gumma, fór á jóladag í hátíðarmessu með allri fjölskyldunni en afi og amma áttu einmitt 50 ára brúðkaupsafmæli þennan dag.

En því miður er ekki alltaf gleði í kirkjunni því í dag fór ég í jarðarför,en það var hann Pétur Valdimarsson sem er bróðir afa og var frábær maður sem var að falla frá og vil ég því senda samúðarkveðju til fjölskyldu og vina og allra þeirra sem voru svo heppnir að þekkja hann Pétur.

Jólahátíðin
Jæja.. úff þetta var nú góð og gleðileg jól... Hef sjaldan étið jafn mikið.. Þorláksmessa var mjög góð, Litlu Jól VKB voru glæsileg í ár..
Aðfangadagur var góður líka, ég fékk möndlugjöfina í ár.. held ég hafi ekki fengið möndluna síðan ég var 5-6 ára svo það var kominn tími á mig... Um kvöldið var borðað hjá Svenna bró og family, ég, mamma, pabbi, amma bogga, svenni, sigrún, Guðfinna dís og gunnar bjarki.. það var mjög fínt.. fengum hamborgarhrygg og vá hvað ég gat étið af því.. 7 sneiðar takk fyrir.. enda var maður handónýtur allt kvöldið hehe
Fékk marga flotta pakka, fór ekki í jólaköttinn, því ég fékk skyrtu, gallabuxur, 3 boli og eina peysu.. fékk svo rakspíra, flott áramótaglös, 8 lítra af kóki hehe, myndir, bók og dvd diska.. og örugglega miklu meira.. man það ekki allt í augnablikinu
Jóladagur var mikil étihátíð, Amma og Afi áttu 50. brúðkaupsammli, og var byrjað á kirkju klukkan 14:00 eftir kirkjuna var haldið til Möggu og Gumma og þar var eiginlega étið þar til maður fór til Sigga um kvöldið.. drukkið öl þar..
Annan í jólum var matur hérna heima.. svínakjöt.. slef... og reyndar át ég ekkert sérstaklega mikið af því.. kannski of mikil tilhlökkun að fara í jólapartýið hjá Andra Hæ og Hjalta Einars.. það var alger snilld, svo áður en við fórum á ballið, fóru ég, Haffi smái, Hannes, Gummi míla og Helgi forseti inn í bíl hjá Haffa og héldum Gylfa Ægis partý það var ALGER SNILLD.. það var sungið eins og það var 1999...
Síðan var ball.. með tríkot.. fínasta ball ég og hannes tókum nokkur dansspor sem vöktu mikla lukku.. og síðan var farið í Queen partý hjá Bjögga.. hehe
Vá.. þetta var gaman.. og ekki er allt búið enn.. því núna er það áramóta og nýársdjamm.. plús auðvitað það lang skemmtilegasta af öllu.. Þrettándagleði Týs (ÍBV)

1.Dagur
jæja pípol minna en einn dagur til jóla.. magnað hvað tíminn flýgur.. Núna er ég líka kominn með ADSl hérna heima og get því komist á netið, ég er ekki maður í það að geta verið á innhringisambandi... nei takk
ooog já alveg rétt, ég vil þakka Andra hugo fyrir að gera þetta að veruleika og Ástþóri (assthor) fyrir liðlegheitin og almennilegheitin sem starfsmaður Eyjaradíós en hann seldi mér 14 metra langa símasnúru en Palli hafði nagað hina í sundur...

En jamm.. jólin koma á morgun og þolló í kvöld, VKB litlu jól á mánabar klukkan 21:00 þar sem verða pakkaskipti og læti gaman af því..
Og svona fyrir þá sem ekki enn vita stóra leyndarmálið þá er Guðmundur Míla mættur á eyjuna.. sæll og glaður þannig að þetta verða ekki hvít jól, þetta verða blaut jól

Gott partý
Fínasta veisla hjá Zindra feita... við peyjarnir gáfum honum viský, nánartiltekið Ballentines..og hagræddum þessu þannig að Laui gaf honum viðeigandi glös með svo hann neyddist til að gefa okkur að smakka.. eðaldrykkur sko.. nokkuð sterkur sem er ekki sniðugt fyrir mann með brjóstsviða en maður lét sig hafa það..
Það er langt síðan ég hef hlegið svona mikið..þetta partý var eitt stórt hláturskast, sérstaklega eldhúspartýið..snilld alger snilld... Andri var í því að taka svona hristimyndir af fólki og þar stóð upp úr myndin af Ástþóri og af Zindra..eða mér fannst það allavega.. Andri setur þetta bráðlega á netið vonandi.. þá er hægt að hlæja meira af þessu hehehe
Síðan mætti Sóley systir hans Andra og var að berjast við að nefna öll fylkin í bandaríkjunum..og það er sko þokkalega erfitt sko.. ég hef einu sinni náð að nefna 42 að mig minnir.. en henni tókst öll 50 á hálftíma.. þokkalega gott það.. og það var einmitt mikið rifist um hvort Omaha væri fylki hehe

Hannes drapst um miðnætti að sjálfsögðu..hann er svoddan kjéddlíng.. en ég var nú engu betri.. fór hjem um 4 leytið.. en heyrði að partýið hefði gengið til 7 í morgunn.. Hvað ætlaru að gera í því..
Jæja.. ég farinn að glápa á tv eða eitthvað

Jæja
Kominn á eyjuna, gaman af því.. breytti þessu aftur í snjókorn því held að þetta hafi verið mjög pirrandi svona eins og þetta var....
Er þunnur í dag.. var að drekka áfengi í gær og það var farið á Lundann(keisarann) sá Hjölla samt ekki þarna..En sá bróðir minn og félaga Stein Ármann sem var mjög svo drukkinn að reyna við sólrúnu hahahaha magnað helvíti..
Útskriftarveisla í dag hjá Zindra greyinu... maður kíkir þangað

Og Gummi þegiðu þú ert bara með lélegan kvikmyndasmekk :P

Lagið í hausnum
Held að allir geti verið sammála mér að það sé ekkert verra en að fá lag á heilann eins og gárungarnir kalla það... og hvað þá í prófi!!! það kom fyrir mig í morgunn... og alveg sama hvað ég var að reyna einbeita mér læddist þetta helvítis lag fram fyrir og truflaði mig eins og bananaphone lagið...
Lagið getiði náð í hér og er það lag vikunnar.. og smá tribute til ein af fyndnustu kvikmyndum sögunnar.. Night at the Roxbury!!

3/3
jæja.. þá er ég búinn í prófum!! þetta var stutt og hröð prófatíð fannst mér.. sérstaklega þar sem ég tók fyrstu 2 á 2 dögum.. en það má eiginlega segja að erfiðasta prófið hafi verið í morgunn.. Saga sálfræðinnar, 5 eininga áfangi og er hrikalegur sko.. það er gríðarlega mikið efni sem breytist eina orðasúpu þegar aður er búinn að lesa þetta nokkrum sinnum yfir..
Ég viðurkenni þó að ég hefði alveg getað verið meira undirbúinn í þetta próf, og vonandi maður lærir af reynslunni bara..
En jæja.. þá er það að taka draslið sitt saman og koma sér í jólfinn í kvöld!! sjáumst í Eyjum

70 þús stk
70.þúsund heimsóknir.. þakka fyrir mig

Veðurfræðingur
Mér finnst alltaf jafn gaman af veðurfræðingunum hjá Rúv, sérstaklega snillingnum Þór Jakobs, þá sérstaklega þessi skemmtilega kveðja hjá honum í lokin..
Tjékkiði á því næst.. afar sniðugt

2/3
Ekki er ég ánægður með mig núna.. Var í mínu öðru prófi í morgunn, já í morgunn.. fékk nákvæmlega 22 klst til að undirbúa mig fyrir þetta próf.. gaman af því, En alavega þetta gekk ekki vel, enda var ég að frumlesa efni fyrir prófið í gær.. kæruleysi ? nei.. málið er að í byrjun desember fáum við uppgefnar 20 spurningar úr ítarefni og fyrirlestratímum og af þeim verða 3 sp. í prófinu, ég svara þeim en get að sjálfsögðu ekki byrjað að læra þetta fyrr en í gær því ég er búinn að vera upptekinn að lesa fyrir skýringarnar sem voru í gær einmitt.. þetta er frábært.. og svo ósanngjarnt því að ég er með 7.0 í vetrareinkunn í þess námskeiði.. og það að allt fokkist upp af einhverju svona atriði er mjög böggandi.. ég held samt í vonina því ég er ekkert að nenna taka sumarpróf í þessu,..

Próf
Eitt komið og 2 stk eftir...

Neeetur andskoti
Í gær fékk ég svona ábyrgðalaust kast... búinn að vera lesa og böggast yfir bókunum í alltof langan tíma þegar Helgi stingur upp á djammi... og það þurfti ekki mikið til skal ég segja ykkur... Vorum að spá í að fara á þennan nýja stað niðrí bæ þar sem Kapital var.. en þar borgar maður bara 2000 kall inn og má drekka bjór frítt fram til klukkan 1:00.. svo mér leist vel á það.. þegar Siggi, Helgi og Kolli mæta svo heim til mín hafa þeir skipt um skoðun varðandi þetta og héldu mikinn fyrirlestur um það... Málið var þá í staðinn að kaupa mjög ódýrt áfengi sem er ekki beint samþykkt af ríkinu í gegnum vafasaman náunga.. haha
Héldum til Þóris og Viggós í partý og vorum þar til alveg klukkan 2:00, fórum þaðan niður á Gauk á stöng á Buff en nokkrir okkar ætluðum ekki að borga okur inn á það svo við fórum á efri hæðina, þar hitti ég Gróu og Daða og Gróa var einstaklega erfið í samskiptum.. en jæja.. heyrðu já þá kemur snilldin.. Kolli Kjötbolla var nokkuð mikið drukkinn og hann hafði tekið með sér einn brúsa úr partýinu.. og ekki gátum við setið og drukkið það þarna inni svo ég sting upp á að fara inn í hljómsveitaherbergið í gríni.. Siggi ekki lengi að setja upp prakkarasvipinn og við inn í herbergið, svo Helgi svo Kolli.. og þarna sitjum við í starfsmanna/hljómsveitarherberginu og drekkum ódýra áfengið og spjöllum.. Alger snilld!!! Heyrðu svo mætir einhver gaur þarna inn, frekar ölvaður og heldur að við séum einhver hljómsveit.. er afar kurteis spyr hvort hann megi ekki nota klósettið þarna og sonna.. við vorum bara stórlaxar í hljómsveitinni Wolfram hehe
Síðan mætir starfsmaður þarna og við vorum þá tilbúnir að taka saman og fara, en nei.. hann sest bara niður og spjallar... drekkur smá og ríkur svo út aftur að vinna... þetta var þrælmagnað
Fórum svo út úr herberginu fyrir rest, og þá var búið að opna niður svo við fórum frítt á Buff og sátum þar til að það lokaði...

Ég og Þórir ætluðum svo á Subway en þá var búið að loka þeim andskota en hittum í staðinn á merkilegan mann, nefnilega Hrappinn, spjölluðum vel og lengi við hann og auðvitað smellti hann mynd af strákunum.. nettur
Þannig endaði svo kvöldið að ég og Siggi fórum á Nonna bita og keyptum okkur mat og svo bara haldið heim á leið...
Verð að segja að ég skemmti mér alveg konunglega og þetta kvöld kostaði mig 700 krónur + nonnabitinn sem ég man ekki hvað kostaði...

Rólegheit
Tók lífinu með ró i gær, las nánast ekki neitt.. svo maður er að setja sjálfan sig í pressu.. hehe nei nei það er nokkuð magnað hvað ég er rólegur fyrir þessi próf.. held ég geri mér ekki grein fyrir hvað er stutt í prófin.. það er ennþá október hjá mér sko.
En ég setti inn nýja könnun á sálfræðisíðuna.. alltof langt síðan ég gerði eitthvað að viti þar...

vil líka minna á SPJALLIÐ... en það eru alltaf að bætast við nýjir meðlimir og þarna er að myndast heilmiklar málefnalegar umræður... kíkiði og skráið ykkur, þetta er fínt á milli lestra törna

Súkkulaði í morgunsárið
Fékk dagatal að gjöf frá Láru Dögg og fæ því súkkulaði á hverjum morgni núna fram að jólum.. ekki slæmt það.
Reyndar var ég að vakna núna rétt áðan, svaf yfir mig.. sem er óþolandi...

Jólasnjór
Jæja kominn 1.Desember og þá skreyti ég síðuna mína.... Það er líka fullveldisdagur Íslendinga sem er mun merkilegri dagur en 17.Júní en það virðist öllum vera bara sama um það... einmitt held ég að eina sem er gert á þessum degi sem myndu kallast hátíðarhöld er að Stúdentaráð HÍ er með dagskrá í Aðalbyggingu háskólans í dag...

En það er meira.. Mamma og Pabbi eiga brúðkaupsafmæli í dag 1.Desember... held það sé komið 30 ár minnir mig.. ég er svo hræðilegur að muna svona hluti... en jú held það sé pottþétt 30..
Svo Til hamingju með daginn mamma og pabbi