Þór Jakobs aðdáendaklúbburinn
síðasti séns til að skrá sig í Þór Jakobs aðdáendaklúbbinn er föstudagurinn 4.mars!
Veriði sæl

óskars hornið
Hef ekkert tjáð mig um Óskarsverðlaunin í ár.. sem er skrítið þar sem ég er svo mikill múvímógull.. ég má ekki vera minni maður en aðrir og set hérna inn smá óskarsblogg
Ég náði ekki að horfa á öll ósköpin, alveg steinrotaðist yfir þessu..
En kannski aðal málið er að besta mynd var valin Million dollar baby sem var víst alveg að stela senunni því að Clintarinn fékk svo óskarinn fyrir leikstjórn.. og er hann því orðinn elsti maðurinn til að fá Óskar fyrir leikstórn.. það sem kom svo minna á óvart var að Hilary Swank vann fyrir besta leikkonan og Jamie Foxx sem besti leikari.. en það kom öllum á óvart með aukahlutverkin því að þar vann Morgan Freeman og Cate Blanchett en flestir höfðu held ég veðjað á Alan Alda eða Thomas Haden Church.. og ég hafði heyrt að það væri nánast öruggt að Virginia Madsen myndi vinna í aukahlutverki kvenna.. en svona er þetta skrítið..
En restina getiðið séð hérna

Dagur í lífi Sigvalda
Sá celeb í skólanum í dag, langaði óstjórnlega mikið til þess að sýna henni að ég gæti líka gert svona hljóð.. en sleppti því vegna hræðslu við háðspot
Ég fann líka karmellubréf á leiðinni heim úr skólanum, þetta var af fílakarmellu í gamla daga þá tók maður miðan af fílakarmellubréfum til að sjá hvort það væri lína þvert yfir pappírinn.. ef svo var þá var maður konugur alheimsins í einn dag
versta var að línan var á annari hvorri karmellu svo að það þótti ekki lengur merkilegt að vera konungur alheimsins

Sunnudagur
og örlítil þynnka.. fór til Eyja á föstudaginn, fór með Herjólfi sem var fínt.. náði að sofa alla leiðina.. Íris var í neðri kojunni að glápa á firends en það er orðin hálf skerí þetta friends æði hjá stúlkunni hehe
En jamm fór svo aftur í borgina í gær, flaug á Bakka með Láru Dögg um 5 leytið og hún keyrði mig til Verahvergi þar sem hún fór í bústað.. Hannes Rúnar Hannesson snillingur náði svo í mig í verahvergi og keyrði mig restina.. þá var maður kominn á 4 bjór og svona næsheit..
Um leið og maður mætti í borgina var manni boðið í partý á görðunum.. Hjá Kristínu Maríu nánar tiltekið.. þar var drukkið stíft, drykkjuleikir og annað asnalegt...
fórum þaðan til Andra Óttars í deiglu partý.. og ég verð að viðurkenna að minnið var aðeins farið að bregðast mér þá.. skilst að ég hafi verið að drekka úr garðkönnu svo gott var ástandið! var kominn hjem um miðnætti.. gott þetta Boggi!!

Svo er það bara leti í dag, Sigurður bauð mér á rúntinn.. fórum bryggjara og sáum þar Hólmaborgina.. Andskotinn hvað það er stórt skip! en alls ekki eins stórt og þetta flykki.. ÖSSS takið eftir rennunum sem flytja nótina aftur í kassa.. 4 stk !!! hahahaha
En jamm svo var fengið sér Burger king.. og Siggi 279 gleymdi að taka pokann sinn tvisvar sinnum í dag.. snillingur þar á ferð

Bíó + matur
Fór að smakka New tasty í dag frá McDonalds.. og veistu þetta var bara drullugott.. ég var frekar hissa með það að það er alvöru grillbragð.. reyndar varð ég hissa og örlítið hræddur því að ég veit að þeir eru ekki búnir að setja upp grill svo þeir geti búið til þennan eina borgara... svo mig grunar eitthvað Grill'n a can sprey frá McDonalds.. meina gæti vel verið.. En allavega bragðast kvikindið vel.. mæli með að prófa hann amk en kannski ekki lifa á þessu.. allt er gott í hófi

Hurru svo fórum við í bíó, ég lára og Siggi Bjö! eða 279 eins og ég kýs að kalla kauða þessa dagana... En jamm.. myndin sem við fórum á var á sértilboði fyrir sambíó félaga og það kostaði bara 400 kall á myndina! Það var frumsýningin á Constantine með Keanu Reeves.. og ég verð að segja að hún var alls ekki eins og ég átti von á.. jú hún var um guð og djöfulinn og það alles.. en alls ekki mikil bregðu og ógeðismynd sem ég einmitt hélt.. en fínasta mynd sko og brillíant húmor í henni.. nokkuð svartur og skemmtilegur.. synd að Helgi er búin að afskrifa myndina því ég held að hann hafi virkilega gaman af henni.. sérstaklega djöflinum.. hann var nokkuð magnaður..
En allavega myndi segja svona 3 af 5

Breyting
Gerði örlitla breytingu núna áðan.. ég setti inn nýja síðu fyrir sálfræðisíðuna sem var, enda var ég ekkert að nenna uppfæra síðuna.. þannig að núna þegar þið klikkið á sálfræðilogoið hérna til hægri farið þið á aðal sálfræðinsíðuna í dag sem kjallararotturnar frægu sjá um..
vessgú

Vantar skemmtikraft?
Ertu að fara halda árshátíð og ekki séns að redda celebi til að koma skemmta? þá er bara málið að kíkja í skránna hjá Paris og redda málunum hehe

Fékkstu ekki miða?
Ekkert mál því aukasýning hefur verið sett á Eddie Izzard þann 10.mars á Broadway og eru 750 miðar í boði.. trúlega sama miðaverð eða 3500 krónur... og væntanlega er byrjað að selja á þá sýningu.. Magnað alveg

Það var andskotans mikið

Verðsamráð loðnuútgerða?

Ýmsir sjómenn á loðnuflotanum telja að loðnubræðslurnar og útgerðin hafi með sér verðsamráð um greiðslur til sjómanna og séu þannig að skammta sér hagnað á kostnað sjómanna.
Við upphaf vertíðar voru greiddar um sjö þúsund krónur fyrir tonnið í bræðslu en nú er verðið komið niður fyrir sex þúsund krónur. Það þykir sjómönnum óeðlilega lágt miðað við heimsmarkaðsverð á loðnuafurðum.

Þá benda þeir á að loðnubræðslan í Fuglafirði í Færeyjum greiði röskar níu krónur fyrir kílóið og að afurðir þeirrar verksmiðju séu seldar á sömu mörkuðum og afurðir íslensku verksmiðjanna. Hafa sjómennirnir í hyggju að leita ásjár sjómannasamtakanna í þessu máli.

Fréttablaðið greindi frá

4 stk
búinn að tryggja mér miða á Eddie Izzard og gott betur því ég keypti 4 stk í morgunn á forsölunni hjá event.is.. nei ég ætla ekki að fara 4 sinnum heldur var ég að kaupa fyrir hina og þessa miða sem nenna ekki að standa í röð á morgun sem ég skil vel..
En jamm.. Ég er semsagt á leiðinni á Eddie Izzard 9.mars kl:21:00 á Broadway!!!

Gamla stöffið
Geri það af og til að blaða í gegnum bloggið mitt.. þetta er orðin heill hellingur af bulli í gegnum tíðina.. fann þessa skemmtilegu pælingu sem ég skrifaði fimmtudaginn 27.júní 2002

Ray Charles
Fórum í bíó áðan, ég, Lára, Helgi, Þórir og Kolli.. eftir Burger King að sjálfsögðu (2 fyrir einn til 24.feb).. En jamm.. fórum á myndina sem allir eru að tala um... Ray og ég held bara að kauði muni fá óskarinn jafnvel er ég svona 80% viss á því að hann taki bæði fyrir aðalhlutverk og aukahlutverk.. en það er samt alveg stigsmunur að sjá leik hans í collateral og í Ray, hann nær þeim gamla ótrúlega vel og myndin er stórkostleg.. ég mæli með að kíkja á þessa mynd klárlega.. ennþá í vafa? kítu þá bara á gagnrýni Helga og Láru

Gleðilegan dag konur
Já frekar seint að pósta þessu núna..en betra er seint en aldrei! Svo allar konur þarna úti vonandi áttuð þið gleðilegan dag..

Dead boring
Hef ekkert að gera.. hugmyndir?

Loðnufréttir
Jæja langt síðan að þessi liður var, síðast í sumar að mig minnir.. og ég veit að Sigurður Björn verður hæst ánægður með þessa færslu hjá mér.
En það er að frétta núna að veiðar eru komnar upp á grunnið, reyndar soldið síðan að það gerðist og eru skipin að leita rétt austan og inn af Vestmannaeyjum. mér skilst að hún sé mjög dreifð núna en það gerist oft eftir brælu og ætti hún að fara safnast saman í torfur núna í dag einhverntíman og mokveiði að hefjast á ný..
Það eru komin um það bil 40 þús tonn til Eyja.
En jamm.. veit svosem ekki hvernig einstökum skipum gengur en trúlega er Sigurður Ve 15 að rústa þessu Ye!

Allt að verða kreisý
Á að banna reykingar inn á skemmtistöðum landsins? Fara allir á hausinn?? nei það gera menn ekki, því reykingarmenn eru að fara verða í minnihluta.. fólki finnst það mjög sjálfsagt að reykja úti á svölum í partýum af hverju breytinst það þegar komið er niðrí bæ? er það svo ósmekklegt þá ?
Jú kannski dregst saman salan hjá veitingarmönnum fyrst um sinn.. en það kemur aftur.. Hva ætla reykingamenn íslands bara að halda partý núna þá til 3-4 á nóttuni svo þeir geti reykt á djamminu?? nei enga vitleysu.. Eftir svona tveggja ára reyklausa skemmtistaði mun fólk segja .. "Að hugsa sér að fólk reykti einu sinni á skemmtistöðum" þvílíkt ógeð...

Snillingurinn mætir á klakann
Jæja það var andskotans mikið!!! Ég er búinn að vera bíða eftir að þessi ótrúlega fyndni maður komi til landsins og það verður að veruleika miðvikudaginn 9.mars á Broadway!!
En það eru víst ekki nema 800 miðar í boði og andskotinn hafi það ef ég fæ ekki miða... DJÖ

Triumph des Willens
Var að sjá þessa mögnuðu heimildarmynd aftur í dag eftir hana Leni Riefenstahl sá hana fyrst í kvikmyndaskólanum vegna þess að þessi mynd er hreint meistaraverk á sviði kvikmynda, hún er frábærlega vel gerð og vel klippt enda fékk hún eftirsótt kvikmyndaverðlaun í París 1937 að mig minnir.. já hún er gerð 1934 athugið það þegar þið horfið á þessa mynd.. 1934!! sem er hreint magnað.
En í dag sá ég þessa mynd aftur út af öðrum ástæðum, ég var að horfa á hana í tíma sem heitir fortölur, viðhorf og hegðun og við horfðum á þessa mynd til að sjá áróður og annað slíkt í myndinni.. sjálf sagði Leni að ekkert var leikið né stillt upp og maður trúir því að hluta til, en þetta er engu að síður mikil áróðursmynd og ég held að hún hafi virkað sem skildi í þýskalandi á sínum tíma.
ÞAð eru allir alltaf brosandi í myndinni, allir vinna hörðum höndum en eru afar duglegir og brosandi og athugið það hversu mikið ber á ljóshærðum mönnum í myndinni það er mjög magnað!! Hitler er líka sýndur sem mikið kyntákn en aðeins í byrjun myndarinnar því restina af myndinni sést ekki kona.. aðeins karlmenn að massera og halda ræður og annað slíkt.. sem var að sýna hinn mikla samhug og hvað karlmenn í þýskalandi voru sterkir...
Um hvað er myndin spyrjið þið kannski? jú hún er um flokksþing nasista í Nuremberg sem var haldið 4.sept til 10.sept 1934 en það var merkilegt flokksþing að því leytinu til að Hitler var nýorðinn forseti því að Paul von Hindenburg sem var forseti var lést á því ári Hitler var einnig kanslari og var því orðinn einræðisherra... Einnig var Hitler nýbúinn að drepa aðalsmann lífvarðasveitar Hitlers og ráða nýjan því að hinn fanst Hitler svo ógnandi.. ég man nú nöfnin ekki alveg í augnablikinu.. ætli Zindri komi ekki með það hérna í kommentið á eftir...
En jamm þetta er semsagt heimildarmynd um viku flokksþing nasistanna og ég m´li með að þið kíkið á þessa mynd.. nokkuð þung enda í tæpa 2 klst, en alveg þess virði að sjá

Kvikmyndaáhugi
Er ekki ennþá kominn í það að nenna glápa á sjónvarp þótt það sé búið að laga sjónvarpskortið mitt (Takk Andri).. held ég bara sleppi þessum pakka.. sjónvarp er hvort sem er leiðinlegt!! En Ég er lítill kvikmyndaáhugakall.. elska kvikmyndir það verður aldrei tekið frá mérm fylgdi meira segja mínum æskudraumi þegar ég fór í kvikmyndaskóla íslands árið 2003.. það varð bara ein önn því ég tók stefnu upp í Háskóla strax önnina eftir.. en ég lærði margt skemmtilegt og sniðugt á þeim stutta tíma sem ég var þar...

En hvert er ég að fara með þessa sögu? úff veit það ekki.. en allavega ég er soldið duglegur að ná mér í kvikmyndir þessa daganna.. ætla safna mér ágætis safni fyrir sumarið ef maður fer á síld aftur.. hehe
þær sem ég er nýlega búinn að ná í og mæli með eru:
Anchorman: The Legend of Ron Burgundy
Requiem for a dream.. svakaleg mynd.. ef þú ert ekki búinn að sjá þessa þá er eitthvað að!!
Englar alheimsins
Lost in translation
og svo akkúrat núna er ég að fara glápa á Demolition man.. með þeim veslei sníp og Silla Stall, fyndið að myndin byrjar á að gerast árið 1996 og allt er í rúst!! man ekki eftir því hehe þessi mynd er samt gamall og góður klassi..
Hey ég er sökker fyrir sci-fi

Er kominn á fullt með lesturinn sem betur fer :S
að því tilefni er fróðleiksmoli dagsins:
Hugtakið "forensic psychology" var fyrst notað í Bretlandi árið 1953 af gaur sem heitir Haward þegar hann ávarpaði County Durham psychological society, seinna var það samþykkt af BPS.

Enn af gömlum tímum
já ég verð nú að reyna segja meira um þetta húsamál.. málið er að þeir sem þekja mig vita flestir að ég hef gríðarlega mikla fortíðarþrá, mér finnst allt sem gamallt er mjög heillandi hvort sem það eru sögur, hús, hlutir eða fólk.. allt þetta finnst mér skemmtilegt og sniðugt. mér finnst aðallega gamlir tímar frá fiskveiðum mjög heillandi. En svo er það með þessi hús á laugarveginum.. ég er ekki sammála því að rífa þau öll niður.. en þau hús sem eru handónýt og voru kannski bara byggð á sínum tíma sem einhver redding í nokkur ár.. þau hús mega fjúka.. þetta eru forljót hús sem mega alveg missa sín.. það má ekki ganga of langt í því að passa upp á það gamla...

Ætti að vera sofandi
En er það ekki, veit ekkert af hverju... kannski vanur andvöku (Röskva?) hehe.. já svona er maður oft fyndinn...
En allavega ég er að fara færa sófa bráðum... Vildi bara fyrst horfa á Engla alheimsins, svo ég byrjaði á því að ná í kvikindið á Dc og það tók c.a klst.. svon var ég núna að klára myndina.
mér finnst þetta yndisleg kvikmynd, hún er mjög vel leikin, vel gerð og tónlistin skapar magnþrungið andrúmsloft.. án efa ein af topp 5 bestu íslensku kvikmyndunum. Kannski maður lesi bókina svo í sumar..
Það er samt eitt sem mér finnst alltaf erfitt að horfa á við svona kvikmyndir, það er hvað bilið er lítið á milli heilbrigði og geðveiki... held að mín mesta hræsla sé að hafa ekki stjórn á eigin huga, að missa vitið eins og þeir kalla það.

En jæja.. Góða nótt

kvöldmatur og gömul hús
Var að klára matinn minn.. var að elda pulsurétt, skar niður kartöflur í litla báta og steikti, setti þá pulsubita oní með og steikti og svo eplabita.. þetta kryddaði ég með salti og pipar og örlítið af öðrum kryddum og setti með spagettísósu úr dós.. það er efnilega bara mjög góð sósa.. og aðeins til að hafa þetta kick þá setti ég með tabasco sósu... og borðaði með bestu lyst...


Annað..þessi umræða með gömlu húsin á Laugarveginum.. hvaða rugl er þetta.. flest öll húsin sem talað er um eru eldgömul og illa farin og ljót hús.. henda þessu drasli í burtu og byggja nýtt maður.. óþolandi hvað þarf alltaf að halda í það gamla jafnvel þótt þetta sé forljótt.. ef Reykjavík á að verða einhver almennileg borg þá þarf miðbærinn að vera með ákveðið yfirbragð og klassa.. að bjóða fólki upp á forljót hús sem eru að hruni komin finnst mér ekki klassi..
eigum við ekki bara skella okkur upp í smáralind eða kringluna?

Valentínusardagur
já þessi dagur er búinn að festa sig í sessi hérna á klakanum.. enn einn dagurinn sem kemur frá landi feita mannsins.. kannski við förum að halda upp á þakkagjörðarhátíðina og kólumbusardaginn.. hver veit..
Þetta er nú kannski soldið saklaust.. dagur elskenda það er eitthvað sem er yndislegt og frábært er það ekki? en samt eigum við konudag og bóndadag...
En vitiði hvaða dag við höldum ekki upp á og mér finnst mikið nauðsynlegra að taka hérna upp en 3.elskendadaginn... Það er feðradag... Af hverju í ósköpunum er ekki haldið upp á þann dag á Íslandi? Þið kunnið að spyrja núna.. bíddu við jú víst gerum við það... en nei.. kíkiði í dagatalið.. og segið mér hvenær þessi dagur er

Bíó á sunnudegi
Fór með Láru í bíó í gær en fyrst var ákveðið að éta amerískan mat og varð Burger King fyrir valinu.. náði reyndar ekki að klára hann því það var eitthvað óbragð af honum..
Svo var það myndin White noise sem við fórum á í Kringlubíó og ég verð nú bara segja að þessi mynd er drullu fín.. Michael Keaton leikur náttlega í henni og hann er alger snillingur.. Mæli með þessari hún heldur manni spenntum allan tíman sem er afar gott í þynkunni.. hehe

Lagið
Er ekkert sérstaklega duglegur að koma með lag vikunnar..enda heldég að Andri og helgi sjái alfarið um þá deild á sínu bloggi.. en af og til fæ ég sniðug lög á heilann og vill deila því með ykkur.. núna er það live útgáfa af laginu Roxanne með Sting.. fannst þessi útgáfa alltaf leiðinleg fyrst þegar ég náði í lagið en í seinni tíð hef ég barasta farið að fíla þessa útgáfu vel...
Enjoí

Rugl er þetta
Ég spyr nú eins og hálfviti en er ekki mun meira vesen og erfiðara að texta heilan fótboltaleik heldur en að hafa bara mann sem þul? hvaða rugl er þetta eiginlega..
Ath að mér er alveg sama hvort lýsingin sé á ensku eða íslensku en lög er vís lög og þetta dæmi hjá skjá einum minnir bara meira á 5 ára krakka í sandkassaleik!!!

Jæja
Þá er þessu lokið.. og gærlveldið var erfitt, ég var ótrúlega þreyttur og ölvaður og úrslitin voru mér mikið áfall.. það er mjög erfitt að vera vinna að einhverju dag eftir dag nánast allan daginn í heilan mánuð og fá svona úrslit...en verð nú að segja að það er soldið skrítið að þurfa fara lifa venjulegu lífi aftur eftir þessa törn.. En hvernig fór þetta svo? held að tölurnar hafi verið einhvernveginn svona
Vaka um 1500 atkvæði
Röskva um 1200 atkvæði
H-listinn um 400 atkvæði
Alþýðulistinn um 100 atkvæði
Vaka fær því 4 inn Röskva 4 inn og h-listinn 1 inn en það munaði ekki nema 25 atkvæðum að Vaka hefði haldið sínum meirihluta sem er ótrúlega svekkjandi.
Þannig að nú er skrítin staða komin upp, Háskólalistinn vill ekki vera í meirihluta með vöku né röskvu.. þetta verður athyglisvert að fylgjast með.. kannski gerist það bara að vaka og röskva mynda saman meirihluta.. hver veit?
En allavega 1500 atkvæði og það er gott og vil ég þakka öllum þeim sem kusu Vöku bara kærlega fyrir

Dánarfregnir og jarðarfarir
Vaka tapaði sínum meirihluta í kosningunum 2005 sem þýðir það að háskólalistinn fær að velja sér meirihluta.. ég giska þrátt fyrir tilkynningingar að formaður stúdentaráðs verði frá háskólalistanum!!!
Því miður tókst okkur ekki að halda meirihluta kæru stúdentur og ég harma það.

Annar kjördagur

Í dag er annar í kjördegi og ef þú ert ekki búinn að kjósa ennþá....
DRÍFA SIG AÐ KJÓSA!!! það er opið til klukkan 18:00 í flest öllum byggingum Háskólans.... muna bara að merkja

X - A

Fyrsti kjördagur

Já í dag hefjast kosningarnar 2005 og það er ávallt góð og skemmtileg regla að kjósa strax!!! kjósa um leið og þú kemur í skólann eða um leið og þú klára fyrsta tímann...
Munum bara að setja

X-A

og fögnum saman á fimmtudagskvöld... tryggjum það að Vaka haldi meirihluta!!!
Ég vil svo svona formlega biðjast afsökunar ef ég verð pain næstu 2 daga og vona ég að ég eigi ennþá vini á fimmtudaginn hehe...
Það mæta svo að sjálfsögðu ALLIR á kosningaVÖKU á Hressó á fimmtudaginn klukkan 21:00 fá sér bjór og hlusta á Hjálma sem spila fyrir fólkið.. og svo bara fögnum við Vökusigri vonandi og tjúttum fram á nótt

Einkennilegt
Þetta hef ég nú aldrei orðið vitni að.. 91 manns á msn listanum mínum og það er enginn tengdur.. EKKI EINN!!! sem er magnað.. annaðhvort er msn bilað eða þá að allir hafa blockað mig hehe

Góðan Daginn
Þetta er afar athyglisverð grein..

Smá törn núna
Já kosningavikan runnin upp.. núna fer svefninn að minnka eða svo segja þeir.. allavega er það byrjað strax, því ég er að fara leggja mig núna fyrst.. aðal kallarnir voru bara fram á nótt að föndra deildarvakanda og ég fór svo í að prenta og dreifa þessu.. Eins og alltaf kom upp allskonar vesen og vandræði sem töfðu framleiðsluna á blaðinu.. en svona er þetta bara, það er gaman að þessu.. og ég held að á fimmtudaginn klukkan 18:01 verði maður alveg handónýtur.. .þá er ætlast til að maður fari að tjútta fram á rauða nótt að fagna sigri.. eða hvað?

Nýja fólkið
Vil bjóða nýja fólkið velkomið á blogglistann minn.. þar er ávallt stuð
Lára Dögg, Kjallararotturnar umdeildu og svo er það Vökufólk.. þær ungu stöllur Kristín María, Heiðdís Halla og Huld.. vessgú

Gönguferð
Ég labbaði út í Odda í gær og svo aftur heim til mín.. afar hressandi svona gönguferðir

Hún á afmæli í dag

Vaka félag lýðræðissinnaðra stúdenta á 70 ára afmæli í dag. Félagið var stofnað þann 4. febrúar 1935 sem andsvar við félögum sem áður höfðu verið stofnuð við Háskólann. Þau félög voru Félag róttækra stúdenta sem aðhylltist sósíalískar hugmyndir og Félag þjóðernissinnaðra stúdenta sem aðhylltist ekki hefðbundnar hugmyndir um lýðræði.


Saga félagsins er mikil en Vaka hefur lengst af verið í forystu í hagsmunabaráttu stúdenta. Í tíð Vöku var t.d Félagsstofnun stúdenta stofnuð og Hjónagarðar reistir. Vaka hefur ávallt barist gegn fjöldatakmörkunum við HÍ og fyrir lækkun skerðingar námslána.


Árið 2002 komst félagið í meirihluta í Stúdentaráði á ný eftir ellefu ára minnihlutasetu. Á þeim þrem árum sem liðið hafa hefur margt áunnist í hagsmunabaráttu stúdenta. Opnunartími bygginga hefur þannig verið lengdur mikið, prófasafn verið sett upp á netinu, kjör námsmanna á námslánum batnað verulega ásamt því sem harkalega hefur verið barist gegn skólagjöldum við HÍ með góðum árangri.


Vaka býður stúdentum að fagna með sér í tilefni dagsins og býður upp á köku og mjólk í nokkrum byggingum skólans í dag. Þær byggingar eru Oddi, VRII, Lögberg og Askja. Í kvöld verður svo afmælispartý á Hressó þar sem fyrstu afmælisgestunum verður boðið upp á bjór.

Ruglið sem kom upp
Miðvikudaginn 2.febrúar kom fram fréttatilkynning sem SHÍ var mjög hissa með, en það var að Stúdentaráð Háskóla Íslands hafi slitið samstarf við hinar námsmannahreyfingarnar... Það þarf að leiðrétta þennan misskilning.
Fjórar námsamannahreyfingar sitja í stjórn Lánasjóðs íslenskra námsmanna,
en einungis tvær eiga sæti í endurskoðunarnefnd sjóðsins sem tekur
ákvörðun um upphæð námslána næsta árs
Málið var að Námsmannahreyfingarnar BÍSN, INSÍ og SÍNE kröfðust þess að Stúdentaráð
ætti ekki fulltrúa í endurskoðunarnefndinni hjá LÍN þetta árið sem Stúdentaráð getur
ekki fallist á það enda kemur meirihluti lánþega LÍN frá Háskóla Íslands, þetta varð til þess að það kom upp ósætti en SHÍ sleit aldrei samstarfið milli þessara námsmannahreyfinga.
Stúdentaráð Háskóla Íslands setur hagsmuni stúdenta við Háskóla Íslands fram fyrir kröfur BÍSN, INSÍ og SÍNE um að við missum fulltrúa í endurskoðunarnefndinni, enda er það eins og flestir geta glögglega séð útilokað að sá skóli sem er með lang flesta nemendur á lánum hjá LÍN ekki með fulltrúa til að semja um hækkun námslána.

Annað sem ég vil líka benda á sem mér finnst mjög mikil skítalykt af.. það er að þessu undarlega tilviljun að þetta gerist viku fyrir kosningar og það að fréttatilkynningar sem birtast í fjölmiðlum var sent frá annari fylkingu innan Háskóla Íslands... þetta vissu þau áður en að SHÍ frétti af þessu.. svo ég get ekki annað séð en að þetta sé lúalegt bragð fylkinga til að finna einhvern skít á Vöku og ef þetta er það besta sem þau geta gert.. þá getum við ekki annað en brosið og haldið áfram kosningabaráttunni.

Lag vikunnar
Ekki spurning, nú þegar það er vika í kosningar þá er ekkert annað í myndinni en að hafa það VÖKU lagið sjálft...

Orð dagsins
Sðurning um að gera eitthvað sniðugt eins og að hafa orð dagsins, bæta orðaforða lesenda.. vantar reyndar íslenska orðabók til að koma með skemmtileg íslensk orð og ég veit ekki til að slíkt sé til á netinu...
En svona til að byrja þetta, kem ég bara með enskt orð.. þau eru nú líka skemmtilegri og erfiðari til að bera fram hehe...
Orð dagsins er taxidermist

Góðan dag sagði frúin
Þetta myndband er mjög svo fyndið.. maður fær einhvernvegin aldrei nóg af því..

Hey já eitt annað.. vinum mínum finnst svakalega gaman að stríða mér með því þegar við fórum til spánar hérna í den að ég fór ekki í eitt tæki í tívolíinu.. mér finnst það fullkomlega eðlilegt að vilja ekki fara í þessi tæki, það er spánverjar sem stjórna og laga þessi tæki.. og ég hef notast við ýmsa þjónustu sem spánverjar bjóða og hún er ekki góð... ég vil bara ekki enda líf mitt í tívolítæki út á spáni.. og hana nú....Svo vildi ég líka bara vera á fyllerí hehe
Hey já, annað sem ég mun aldrei gera, það er að fara í fallhífastökk, teygjustökk eða eitthvað sem tengist því að henda sér fram af í mikilli hæð.. hvaða sjálfseyðingarhvöt er þetta í fólki??
Jæja hættur að predika... og hana nú

Vökublaðið komið út
Jæja Kosningablað Vöku er komið út og ég verð nú að viðurkenna að ég hef aldrei séð eins flott blað... Það er allt í lit og prentað á svona alvöru blaðapappír sem er mikið fallegra en glanspappírinn..
Þeir sem búa á Stúdentagörðunum eru soldið heppnari en aðrir því þeir fengu blöðin sín heim núna rétt áðan, en restin fær blaðið heim til sín annað kvöld.. Svo getur fólk nú líka kíkt á það í skólanum á morgun en það verður við VÖKUborðin sem eru í öllum byggingum skólans.. svo er líka gott að fá sér kökur og nammi yfir lestrinum.
jæja..

Skólinn að byrja
Já hefðbundið skólastarf fer bráðum að byrja hjá mér.. 11.Febrúar, merkilegur dagur.. hvað gerist þá? er skólinn ekki lögnu byrjaður? jú þetta eru allt góðar og gildar spurningar.. en málið er að skólinn er tæknilega séð ekki byrjaður hjá mér vegna þess að ég hef ekki opnað neina einustu bók.. og mun trúlega ekki gera fyrr en að stress-og móðursýkiskastið er liðið hjá þann 11.febrúar.
11.Febrúar verð ég þunnur, þá vonandi er ég líka ánægður vegna þess að ég var að fagna VÖKUsigri alla nóttina.. þá eins og hefur komið fram hér á undan mun venjulegt líf byrja aftur og maður getur slakað á og blóðþrýstingur lækkar í um það bil heilt ár...
en djöfull er þetta skemmtilegur tími

Sjónvarpsleysi
Ég er ekkert svo mikill sjónvarpssjúklingur.. kann ekki að festast yfir ákveðnum þáttum.. Þetta er alveg að sýna sig núna þar sem ég ákvað að fara ekki með sjónvarpið með mér í borgina eftir áramót og hef þvi ekki horft á neitt sjónvarp síðan um 15.janúar.. sem er mjög fyndið.. og mér er eiginlega alveg sama
Eina reyndar að ég horfi á Fréttir á vef-tíví dæminu á visi.is og ruv.is því að ég get alls ekki sleppt fréttatímanum.
Ég veit alveg að ég myndi horfa á sjónvarpið ef það væri hérna.. og mun fara glápa aftur á sjónvarpið þegar Andri lagar fyrir mig sjónvarpskortið (hehe takk Andri) næst þegar hann mætir í borgina.. en þegar það er ekki í boði er mér alveg sama þótt ég sé að missa af dagsrká skjás eins eða Rúv