Ég veit ekki hvort er sorglegra, ríka fólkið og fáránlegu hlutirnir sem það eyðir mörg hundruð þúsundum dollurum í eða þroskahefta pakkið sem fylgist með ríka og fræga fólkinu, hneykslast yfir hvað það er að kaupa og selur það í blöð... tja

Jæja þá er komið að því aftur.. maður er að flytja.. þetta gerist alveg tvsivar á ári,, en það góða við það að maður sleppur nú við að flytja búslóðina.. það er aðeins maður sjálfur og fjall af bókum sem þarf að flytja á milli staða.. Já þessi skemmtilegi leikþáttur er mín leið til að byrja próflestratímabilið.. Ég er semsagt að fara flytja út í Odda og verð til 19.desember! Fyrsta prófið mitt er 7 .des og það er eiginlega alltof stutt í það.. er orðinn stressaður fyrir það enda hef ég ekki setið áhugasamur og lesið mér til um þáttagreiningu og dreifigreiningu! En áður en ég get byrjað eiginlegan próflestur þarf fyrst að skilja tveimur skýrslum sem vonandi er bara að klárast á morgun! Einnig er síðasti umræðutíminn í sögunni á morgun, hann Jörgen Pind hefur umsjón með þeim tíma og er lesefnið Hugur og heimur eftir Gumma Finnboga..

Stórskemmtileg bloggfærsla fyrir stórskemmtilegt fólk finnst ykkur ekki?
Það kemur skemmtilegur pistill hérna 1.desember.

Tommi eða Jenni?

Sæl veriði.. frekar slöpp vika blogglega séð en það verður bara hafa það.. hef svo lítið að segja þessa daganna!
Hvað er að gerast um helgina?? annað en að lesa og læra það er að segja.. Jú matarboð á morgun, Gunnar Heiðar að koma á klakann og um að gera bjóða stórstjörnunni í steinasteik.. ætli það verði ekki eitthvað teiti með og svo bærinn.. mér er nefnilega boðið í afmæli niðrí bæ.. spurning um að kíkja á það

En jæja.. Föstudagsfílingurinn! það er hljómsveitin Turin Brakes og lagið er Mind over money.. átti reyndar mjög erfitt með að finna eitthvað eitt lag með þessari sveit því það eru svo mörg ógeðslega góð!!! en látum þetta nægja!! Svo fékk ég þá kvörtun að síðasti fílingur hafi ekki verið mjög hress.. en meina það þarf ekkert að vera sjálfgefið að föstudagsfílingurinn sé eitthvað hresst lag.. er það nokkuð? Komast ekki einmitt hausarnir í fíling við að heyra eitthvað voðalega rólegt lag? hehe.. svona er Boggi í dag.. hugsar fyrir hagsmunum allra.. kúl

Á fréttavef Eyjafrétta í dag kemur fram að Andrés Sigmundsson hafi lagt fram tillögu á fundi bæjarstjórnar um að fengið verði nýtt, stærra og hraðskreiðara skip strax í vor til að leysa núverandi Herjólf af, einnig kom fram að hann væri ekki að tala um framtíðarlausn á samgöngumálum eyjanna heldur einungis tímabundna.

Tillagan var felld með sex atkvæðum gegn einu... ég segi því hvað er að gerast?? Ég segi ekkert rugl það er löngu tímabært að skipta út þessu skipi sem er löngu orðið barn síns tíma.. það má eiginlega segja að það hafi verið of lítið strax um leið og það hafi komið!! Ég veit fullvel að það er verið að vinna að skýrslu um bættar samgöngur varðandi göng og ferjulægi í bakkafjöru en hvort það verði mögulega hægt að grafa göng verður ekki vitað nærri strax og ef það verði hægt þá verða göngin ekki tilbúin fyrr en eftir 10 ár eða eitthvað rúmlega það...
Eigum við að notast við þennan skrjóð þangað til eða?? Ég segi nýtt skip STRAX í dag! það eru almenn mannréttindi að fólk hér fái almennilegar samgöngur og þessi dallur er engan veginn að virka lengur!

Það er óþolandi að fólk þurfi að panta með mánaðarfyrirvara til að komast upp á land með bíl á sumrin...

Það er óþolandi að hvergi sé hægt að sitja þegar báturinn er fullur...

Það er óþolandi að við Eyjamenn látum vaða yfir okkur dag eftir dag..

Hættum þessu rugli!! nýtt skip fyrir næsta sumar!!

Fröken Huld var svo skemmtileg að kitla mig.. en það er eitthvað nýtt svona svara spurningum dæmi á netinu.. furðulegt hvað maður nennir að svara svona dóti þegar það styttist í próf.. En jæja hey svo er Föstudagsfílingurinn hérna neðst í færslunni.. ákvað að slá saman bara..

Hlutir sem ég ætla að gera áður en ég dey:

1.Kaupa trillu (alvöru trillu ekki svona plat trillu eins og Haffi á)
2.Klára skrifa bók
3.Verða ríkur
4.Eignast fjölskyldu með börnum og tilheyrandi
5.Komast á forsíðu Moggans

Hlutir sem ég get ekki gert:
1.verið skipulagður við lærdóm
2.spilað á hljóðfæri
3.sleppt því að nota gsm eða msn..
4.Keypt allt sem mig langar í
5.Sagt nei þegar ég er beðinn um aðstoð við rannsóknir eða hjálpa við verkefni

Hlutir sem ég get gert:
1.Náð yfir 9000 stigum í Singstar svo fokk jú Sindri
2.Talað klukkutímum saman við sjálfan mig
3.Unnið undir miklu álagi
4.Búið til fín myndbönd
5.Sett teskeið upp í nefið

Hlutir sem heilla mig við hitt kynið:
1.Aulahúmor
2.Falleg augu
3.Ákveðni
4.Hlátur
5.kjánalæti


Frægir menn sem heilla mig:
1.Scarlett Johansson
2.Bryce Dallas Howard
3.Angelina Jolie
4.Jennifer Connelly
5.Mena Suvari

Orð sem ég segi oft:
1.Já
2.Ha?
3.Hvenær?
4.Til hvers?
5.Hæ

Hlutir sem ég sé akkúrat núna:
1.Tómt glas
2.Murtudós
3.Sími
4.Myndavél
5.Fréttablaðið

Manneskjur sem ég ætla að kítla:
1.Láru Dögg
2.Andra Hugo
3.Haffa Trillukall
4.Helga Forseta
5.Íris Dögg

Föstudagsfílingurinn -- Nick Drake -- Saturday sun

Ein pæling hérna..
borða grænmetisætur kökur eða eitthvað slíkt sem egg eru í??

Fór áðan á skjá einn forsýninguna á The Exorcism of emily Rose en Skapti reddaði fólkinu miða á herlegheitin og þakka ég honum kærlega fyrir það.. Við fórum 11 saman á ræmuna og það alveg pottþéttur hópur.. Haffi litli hrædda skinn sat við hliðina á mér og átti mjög bágt greyið, en ég hélt í hendina á honum og ég held það hafi hjálpað honum... Siggi sat ekki við hliðina á mér en ég sá nokkrar svitaperlur renna niður ennið á honum.. hehe
En annars af myndinni.. var ekki nógu sáttur við hana.. og þá sérstaklega ekki seinni hálfleik! flest bregðuatriðin og það eru í sýnishorninu og bara plö.. kannski maður hafi gert sér of miklar vonir um þessa mynd.
Það sem mér þótti mjög flott við myndina var það að báðar hliðar voru sýndar, myndin gerist semsagt mest öll í réttarsal þar sem presturinn sem framdi andasæringuna situr fyrir svörum.. og það voru svona flashback dæmi sýnd bæði með læknisfræðilegu hliðina og andlegu hliðina á öllu saman.. það er nokkuð nett sem lét þetta í hendur áhorfenda að dæma um hvað væri réttast í þessu öllu saman..

Myndin er byggð á sönnum atburðum og er til dæmis notuð upprunalegu upptökuna af andasæringunni í myndinni sem var nokkuð magnað! En ég verð nú að halda mig við sönnunarbyrgðina í málinu og var nánast hægt að útskýra allt sem gerðist fyrir þessa mjög svo óheppnu stúlku með áþreifanlegum sönnunargögnum.. En allavega dæmið um það sjálf.. fínasta mynd.. heldur manni spenntum og nokkur góð bregðuatriði!!

Eitt annað.. það var leikkona þarna sem heitir Shohreh Aghdashloo sem leikur í 24 held ég.. en röddin hennar minnti svakalega á röddina á stelpunni í The Exorcist þegar djöfullinn var kominn í greyið.. það kemur hvergi upp í imdb svo ég held að hún hafi ekki talsett hana.. en svakalega minnti röddin mig á þetta... kannski ég sé bara ruglaður..

Það er eitt sem ég sakna mjög en það er Velvakandi, þar sem ég er fátækur námsmaður hef ég ekki efni á því að bruðla í Morgunblaðið.. en af og til nær maður að skoða það, til dæmis í kaffi hérna út í 10-11 eða á BSÍ en þar var ég einmitt áðan að ná í bróðir minn.. Í Velvakanda í dag er sniðug athugasemd frá aldraðri konu í úthverfi það hljómar svona:

Menningarfulltrúi talar í sjónvarpi í 20 mínútur. Viðfangsefnið er eftirfarandi: Enterteinment bissness. Markaðselement. Abstraktheimur. Pródjekt. Konsept. Pródúsera. Dramatík. Djobb. Dress upp. Krísa. Gossip. Kommentera. Lífsritmi. Rasisti.
Eftirmáli: Það er sannarlega búið að dressa upp íslenskuna.
Mennt er máttur

Sjá nánar

Jæja þá nálgast jólin og PRÓFIN.. Öss.. þá hefst bindindi hjá mörgum stúdentum! þá er um að gera að nýta sér þetta síðasta djamm fyrir próf en við í Vöku ætlum að bjóða öllum í Jólaglögg Vöku. Það verður haldið næstkomandi föstudag og verður gleðin haldin í félagsheimili Vöku að Hólmaslóð 4 og opnar húsið kl:21:00.
Við verðum nú að vera svolítið jólaleg og því verður boðið upp á eggjapúns því mér skilst að jólaglöggið sé nánast ódrekkandi andskoti.. þeir sem ekki vilja eggjapúns geta auðvitað fengið bjór því í boði verður jólabjór beint frá Danmörku.. má segja að þeir sem misstu af J-deginum í baunaveldi geti prófað séríslenska útgáfu af þeim degi næsta föstudag!!

Að vanda geta gestir svo þanið raddböndin í SingStar í eldhúsinu en þess ber að geta að SingStar 80´s er nýkominn í hús. Hólmaslóðin verður að sjálfsögðu komin í jólabúninginn, mistiteinar,mandarínur og piparkökur. Auk jólaljósa og tilheyrandi, enda ekki seinna vænna að taka forskot á jólasæluna fyrir prófatörnina.

Í dag birtist á vefsíðu Eyjafrétta yfirlýsing frá Ægisdyrum sem er áhugafélag um vegtengingu milli lands og Eyja.. Yfirlýsingin er hér að neðan í heild sinni..
Einnig má finna helstu niðurstöður úr skýrslu ÍSOR á heimasíðu Ægisdyra.
Ég verð að segja það að þessi yfirlýsing er nauðsynleg og róar mann mjög.. Um leið og skýrslan kom út greip um sig eitthvað svartsýnisæði hjá fjölmiðlum og ekkert nema neikvæðar fréttir komu frá þeim, sama af hvaða fréttamiðli það væri.. Þetta er mjög alvarlegt, því öll neikvæð umfjöllun um þetta mál er að skemma verulega fyrir því að Eyjamenn og íbúar á suðurlandi geti með sangirni kynnt þetta fyrir fólki, þingmönnum eða fjárfestum.. orðið á götunni getur oft haft vond áhrif á það hvernig og hvort teknar eru ákvarðanir um heit mál.. og orðið á götunni virðist einkennast af neikvæðni og fávisku.. Fólk þarf að kynna sér málin áður en það getur farið að tjá sig um það.. En allavega, þá er hérna yfirlýsingin í heild sinni:

Yfirlýsing frá Ægisdyrum
Líkur á jarðgangagerð óbreyttar
-skýrsla Ísor mikilvæg fyrir jákvætt framhald málsins
Líkur á jarðgangagerð óbreyttar


Allt frá stofnun Ægisdyra í byrjun árs 2003 hefur það verið baráttumál félagsins að farið yrði í frekari jarðfræðirannsóknir á fyrirhugaðri jarðgangaleið milli lands og Eyja. Í sumar urðu þessar rannsóknir að veruleika og niðurstöður þeirra liggja nú fyrir með skýrslu þeirri er lögð var fram þann 8.nóvember sl.

Stjórn Ægisdyra hefur kynnt sér vandlega þá skýrslu sem fyrirtækið Ísor vann fyrir Vegagerðina og lýsir stjórninni yfir ánægju sinni með þær niðurstöður er þar liggja fyrir. Þar er ekki annað að sjá en að niðurstöðurnar séu mjög jákvæðar varðandi framhaldið t.d. varðandi aðstæður við Kross í A-Landeyjum. Almennt eru niðurstöður í skýrslunni áhugaverðar og virðist sem þær séu í samræmi við það sem kom m.a. fram úr rannsóknum innlendra og erlendra vísindamanna undir stjórn dr. Ármanns Höskuldssonar sumarið 2004.

Því er það mat stjórnarinnar að niðurstöðurnar styrki enn áframhald málsins og að jarðgöng milli lands og Eyja séu enn vænlegasti framtíðarkostur í samgöngum milli lands og Eyja.

Vegagerðin hefur í framhaldi þessarar skýrslu falið tveimur þrautreyndum aðilum á sviði jarðgangagerðar hérlendis og erlendis að fara yfir niðurstöðurnar og meta þær fyrir jarðgangagerð og væntanlegan framkvæmdakostnað við þau. Er miðað við að vinna þeirra liggi fyrir um miðjan desember. Einnig eru forsvarsmenn skandinavíska fyrirtækisins NCC að fara yfir þessar niðurstöður og meta þær miðað við þeirra reynslu af jarðgangagerð. Einnig mun stjórnin keppast við að fá sem víðtækasta samvinnu aðila er hafa reynslu af verkefnum sem þessum, því áframhaldandi fagleg vinnubrögð eru það sem skila mestum árangri.

Varðandi fréttaflutning og umfjöllun í fjölmiðlum um efni og niðurstöður skýrslunnar er Ísor vann, þá lýsir stjórn Ægisdyra yfir vonbrigðum með þá umfjöllun er skýrslan hefur fengið. Einnig telur stjórnin það vera frumhlaup hjá þeim aðilum sem hafa verið að túlka niðurstöður neikvætt fyrir framhald málsins í fjölmiðlum undanfarna daga. Þeir aðilar virðast ekki hafa kynnt sér efni skýrslunnar nægjanlega vel og um leið túlkað niðurstöður einhliða og ranglega að mati stjórnar Ægisdyra. T.d. hefur það alltaf legið ljóst fyrir að þær rannsóknir sem framkvæmdin myndi útheimta myndu kosta um 200-300 m.kr. enda er það ekki stór kostnaður í framkvæmd sem hljóðar upp á 20-25 ma.kr.. Einnig hefur jarðfræði Heimaeyjarsvæðisins verið vel þekkt og að jarðlög þar séu yngri en landmegin og því lekt í jarðlögum mögulega meiri. Rannsóknir þær sem hafa farið fram til þessa gera það að verkum að hægt er með betri vissu að greina áhættuþátt og kostnað framkvæmdarinnar.

Stjórn Ægisdyra vill koma því skýrt til skila að líkur á jarðgangagerð milli lands og Eyja eru óbreyttar og skýrsla Ísor er mikilvæg fyrir jákvætt framhald málsins. Stjórnin stefnir einnig á að koma á kynningarfundi hér í Eyjum sem allra fyrst og þar verði skýrsluhöfundar, aðilar frá Vegagerðinni sem og aðrir vísindamenn er hafa komið að málinu á sl. tveimur árum.

Jarðgöng milli lands og Eyja eru áfram fyrsti möguleiki varðandi framtíðarlausn í samgöngum Eyjanna.

Stjórn Ægisdyra

Var að horfa á Kastljósið.. og þar var verið að ræða DNA heilun, þarna sátu Magnús sem er læknir og Birna sem er heilari..
Ég fékk mikinn kjánahroll þegar þessi kona var að tala.. það kom ekki eitt orð af viti frá henni, talandi um að lækna sjúkdóma og endurraða DNA og hvað allt er svo mikil undirmeðvitund og bla bla... ég verð bara dást að þessum Magnúsi að vera svona rólegur en ekki tapa sér gjörsamlega.. þekki nokkra sem ættu allavega erfitt með að sitja og hlusta á þessa vitleysu..

En svona án gríns þá verð ég að segja að það er töluvert alvarlegt hvað það er orðin mikil trú á svona skottulækna, fárveikt fólk er að treysta á svona peningaplokkara sem nýta sér sjúkdóma og trú fólks á einhverju yfirnáttúrulegu.. það er mjög alvarlegt... Held að lykilatriðið í öllu tali um stjörnuspeki, heilun og allt slíkt er skemmtun.. það er gaman að lesa um slíkt.. þetta er sniðugt allt saman en á endanum er þetta ekkert nema skemmtun.. eins og töfrasýning eða sirkus..

Það er auðvitað mjög auðvelt að segja þá á móti.. að ég sé þröngsýnn asni sem þorir ekki að skoða allar hliðar og það sé mikill hroki að segja vísindi séu alltaf rétt.. en auðvitað eru vísindi ekki alltaf rétt og einhver sannindi.. það er aðalatriðið, vísindi eru sett þannig upp að þau leiðrétti sig og eru hrekjanleg..
Heilun, stjörnuspeki og allt slíkt húmbúkk eru ekki hrekjanleg.. þau ganga alltaf upp , fólk hlýtur að sjá hversu vitlaust það er

Höfum gaman af þessu, skoðum endilega stjörnuspánna, förum til spákonu og látum hana segja okkur að við eigum eftir að kynnast sannri ást og verða rík.. en gerum það sem skemmtun.. eins og að fara í bíó.. skemmtikraftar er fínt orð yfir þetta fólk.

Eitt að lokum Kjaftæðisvaktin er sniðugt lesefni sem allir ættu að kíkja á.. Er ekki toppaðdáandi þessarar síðu en þetta er mjög sniðugt og þarft horn sem mætti vel heima í fjölmiðlum s.s Morgunblaðinu eða Fréttablaðinu

Jæja þá er komið að Eddunni 2005 .. eru þið ekki spennt? Það er aðeins farið að minnast á þetta í Fréttablaðinu en á öftustu síðunni er spurt þrjá semi-celeb hvort þau ætli að fylgjast með Eddunni og það var þvert nei, hef miklu betra við tíman að gera.. en bættu svo sum við að þetta væri frábært framtak og eitthvað kjaftæði...
Hey segja bara sannleikan.. þetta eru hallærisverðlaun, það er ekki til leiðinlegri verðlaunaafhending og það nennir enginn að horfa á þjóðþekkta leikara lesa af svona teleprompter með misjafnlega lélegum árangri.. Hámark kjánahrollsins mun nást á sunnudaginn!

Svo sá ég annað í Fréttablaðinu sem ég hló svolítið af.. þar var auglýsing frá Stöð tvö þar sem þeir eru að óska sjálfum sér til hamingju með tilnefningarnar... Hversu fyndið er það? Til hvers að vera ánægður með tilnefningu? Það eru allir þættir tilnefndir sem eru með einhverju viti.. Ekki mjög mikið afrek að vinna þætti eins og íslenski batsjelorinn ,ástarfleyið eða Kalla kaffi... griðar góður árangur...
Nei hættum þessari vitleysu.. tökum bara þátt í evrópskum og amerískum verðlaunaafhendingum.. þar kann fólk að búa til verðlaunaafhendingar og það væri líka fínn árangur að vera tilnefndur þar..
Annars vona ég að við vinnum aldrei eurovision..

Og Eitt í viðbót.. hvaða hálfviti nefndi þennan þátt íslenska batsjelorinn? hvaða fávitaskapur er það? heitir það ekki íslenski piparsveinninn??

Fréttatilkynning frá Vöku:
Eftir tvö gríðarlega vel heppnuð pókerkvöld verður blásið til þess þriðja miðvikudaginn 9. nóvember. Líkt og síðast verður spilað á Hressó, nánar tiltekið í innri salnum á staðnum. Spilaður er Texas Hold'em og eru allir áhugamenn um póker og góðan félagsskap hvattir til að mæta. Gleðin hefst klukkan 20.30 og verður sérstakt Vökutilboð á barnum - einn kaldur á 390 krónur.

Svo er annað mál, og það er um Stúdentablaðið en annað tölublað kom út núna í dag og ritstjórnin virðist ætla halda áfram í sama gír og síðast.. það er að segja sem eitthvað róttækt áróðursblað.. mér finnst þetta blað mjög leiðinlegt og niðurdrepandi og alls ekki lýsandi fyrir almenna háskólastúdent.. það má bara sjá muninn á hvernig áherslur stúdentar hafa með því að lesa nemendafélagsblöð og heimasíður nemendafélaga í Háskólanum og svo þennan snepil sem Stúdentablaðið er.. mjög dapurlegt því að þetta er hugmyndin sem hinn almenni borgari fær um stúdenta því blaðinu er dreift með Fréttablaðinu... Ég segi meira um skólan, meira um ágæti Háskóla Íslands, baráttugreinar gegn skólagjöldum, viðtöl við stúdenta og fleiri myndir úr starfi Háskólans.. Eitthvað sem snertir Háskólastúdenta!!

Danir eru sniðugir.. Niðurtalningin heldur áfram í það að jólabjórinn komi á göturnar.. eða kl:20:59 í kvöld!!
Þetta er sniðugt og skemmtilegt framtak hjá þeim í Tuborg verksmiðjunni.. halda uppi stemmningu í grámyglulega vetrarskammdeginu.. Ég hef heyrt að þetta sé hörku stuð og hugsanlega að maður skjótist bara til danmörku á næsta ári til að prófa þetta.. meina það kostar orðið ekki neitt að skreppa þangað, ódýra en að fljúga innanlands að minnsta kosti..

Hver er með mér í J-Dag 2006??

Einnig er ég með föstudagsfíling.. hann gleymdist í síðustu viku og vonandi að fólk geti fyrirgefið mér það.. en er ekki best að hafa föstudagsfílinginn í anda J-Dagsins.. ég fann reyndar ekki lagið sem er í auglýsingunni sjálfri en fann bara sniðugra lag.. með hljómsveitinni Ókindin, lagið heitir Jólakötturinn

Viðbót:
Talandi um það muniði eftir þessari hljómsveit? man sérstaklega eftir þessu lagi og hvað mér þótti þetta svakalega flott.. nokkuð góðir.. eru þeir hættir eða?

Eru ekki allir að fara mæta í kvöld á Grandrokk? Tónleikarnir byrja kl:22:00 og því er sniðugt að mæta um níu - hálf tíu leytið til að fá sér sæti og sötra einn öl!!
Koma svo!!

Þórir Ólafsson er fyrsti gestapenni á þessari síðu eftir að ég hennti þeim Guðmundi og Helga út sem gestapennum. Þórir sendi mér þetta bréf sem hér sést í heild sinni en hann sendi þetta bréf sitt til Höfuðborgarsamtakana
Hér er bréfið í heild sinni:


Vestmannaeyjar 01.11.2005

Mig langar að benda á rangar fullyrðingar sem birtust í morgunblaðinu 29. okt síðastliðinn og einnig þær fullyrðingar sem standa á heimasíðu ykkar. og kannski fræða ykkur ögn í leiðinni varðandi sjúkraflug á íslandi.

Sem nemandi í flugskóla og mikill áhugamaður um flug og þar með sjúkraflug hnaut ég um tvær fullyrðingar sem þið hafið á síðunni og í fyrrnefndri grein.

úr morgunblaðsgrein:

1.Bráðveikir og stórslasaðir einstaklingar eru fluttir með þyrlum, ekki með vængjuðu flugi (þyrlur hafa líka vængi þeir nefnast þyrluspaðar *) slíkt væri óábyrgt og hættulegt. ÉG (Hvað er óábyrgt og hættulegt við að flytja bráðveika og stórslasaða í flugvél? *)
2. Vængjað sjúkraflug er einkum notað til að flytja sjúklinga milli sjúkrastofnana og samanstendur af þremur áföngum: A Ökuferð frá sjúkrastofnun 1 á flugvöll. B flugferð milli flugvalla og C ökuferð frá flugvelli á sjúkrastofnun 2. Tímalengd hvers þessara þriggja áfanga hefur ekki áhrif á batahorfur sjúklinga.

net grein:

Er mikilvægt að hafa flugvöll nálægt helstu sjúkrahúsum landsins ?

Nei. Sjúkraflug er með tvennum hætti. Neyðarflug með bráðveika og slasaða er nærri undantekningalaust með þyrlum, sem lenda á þyrlupöllum við bráðamóttökur sjúkrahúsa. Á þessa þyrlupalla má setja fullkomninn blindaðflugsbúnað. Flutningur sjúklinga á milli sjúkrastofnana fer að jafnaði fram með bifreiðum, nema þegar vegalengdir eru miklar og flug stendur til boða. Fæstir sjúklingar sem fluttir eru með flugvélum eru það bráðveikir að lenging flutningstíma um ½ - 1 klst skipti nokkru um framvindu eða meðferð þeirra

Jæja hvar á ég að byrja.
Eitthvað hlýtur að vera að upplýsingaflæðinu til ykkar ágætu samtök. Fyrir það fyrsta eru fárveikir og stórslasaðir ekki í undantekningum fluttir með flugvélum það gerist í undantekningum að þyrlur komi (að minnsta kosti hingað til eyja) til að ná í fársjúka eða stórslasaða. Þyrlur eru vegna eiginleika þeirra notaðar þar sem ekki eru aðstæður til að lenda flugvélum þ.e.a.s. á flugvöllum. til dæmis vegna slysfara á vegum úti, hálendum og eða sjó.
Það tekur ekki meira en 2 mínútur að keyra fársjúkann mann frá sjúkrahúsi Vestmannaeyja upp á flugvöll. Það tekur piper chieftain vél flugfélags vestmannaeyja u.þ.b. 25-30 mínútur að fljúga til Reykjavíkur frá Vestmannaeyjum. Það tekur sjúkrabíl í Reykjavík ekki meira en 5 mínútur með forgangsljós að aka að landsspítala.Örlög margra geta ráðist á þessum tíma. Ekki vildi ég hafa það á samviskunni að lengja þennann tíma vísvitandi. ÞÚ? Held ekki. Það er vitað að þyrlur fara mun hægar yfir heldur en flugvélar. Tala nú ekki um ef þyrlan er staðsett í Reykjavík (eins og allt annað) þá er verið að auka við mikilvægan tíma um rúmlega 100% Auk þess geta þær flugvélar sem notaðar eru í sjúkraflugi flogið í flestum veðrum vegna blindflugsbúnaðar og afísingarbúnaðar. Blindflugsbúnaður verður einnig að vera staðsettur á flugvöllum til að hann virki í flugvélum. Afísingarbúnaður er ekki til staðar í TF-SIF og að takmörkuðu leiti í TF-LÍF og bendi ég á að ef veður eru válynd sem er oft hér á fróni þá þurfa þyrlurnar okkar að fljúga cruise flug með ströndum Íslands sem lengir flughraða. Bendi ykkur á að lesa grein Jakobs Ólafssonar Þyrluflugstjóra Landhelgisgæslunar - Mannfórnir fyrir Reykjavíkurflugvöll 10.10.2005. í mbl. Hámarkshraði TF-LIF (stærri þyrla Landhelgisgæslunar) er 270 km/klst, minni þyrlan TF-SIF hefur hámarkshraðann 240km/klst. Flugvél Flugfélags Vestmannaeyja Piper Chieftain flýgur að hámarki 315km/klst. Nú er nýbúið að semja við landsflug um að hafa umsjón með sjúkraflug okkar vestmannaeyinga þeir hafa sagst ætla að nota Dornier 228 sem hefur hámarkshraðann 472 km/klst. Sem þýðir að sjúkraflug er 10 mínútum skemur en ella. Stórgóð þróun er það ekki?
Annað er í stöðunni að landhelgisgæslan hefur aðeins tvær þyrlur til staðar. Við vitum að þyrlur og önnur flugför þurfa mikið viðhald. Oftar en ekki heyrist í fréttum um að TF-SIF hafi farið í björgunarflug vegna bilunar í TF-LIF og öfugt. Þessar þyrlur eru líka notaðar til þjálfunar og æfinga. Ég ætla ekki að hafa þetta mikið lengra þótt ég gæti fundið mikið meira að þessum rökum hjá ykkur sem mér finnst fáránleg í alla staði.
Það kemur fyrir þótt ótrúlegt megi virðast að það slasast fólk og veikist á landsbyggðinni. Hugsið aðeins lengra en nef ykkar nær. Spáið í því hvort ykkur þætti ásættanlegt að sækja nauðsynlega sjúkraþjónustu út fyrir höfuðborgina segjum til vestmannaeyja. Ég óska ekki neinum manni að þurfa að fara í sjúkraflug. Kannski þyrfti það að koma fyrir ykkur til að hægt sé að koma ykkur til skilnings um það hversu mikilvægt það er fyrir okkur utanbæjarfólkið. Ekki vilduð þið lengja þann tíma um 1/5 til 1 klst. Eða er það?

Þórir Ólafsson
Vestmannaeyjum
bessahraun14@simnet.is

* Athugasemd höfundar

Vaka heldur tónleika fimmtudaginn 3.nóvember á Grandrokk!
Fram koma: Dr.Spock, Hoffman og Benny Crespo's Gang! Tónleikarnir hefjast kl:22:00 og það er frítt inn svo það er um að gera að líta aðeins upp úr bókunum og skella sér á þessa þrusu tónleika!
Magni í Hoffman hjálpaði mér mikið við að skipuleggja þetta, enda er hann hress og góður drengur! Ég hef séð bæði Hoffman og Dr.Spock á sviði en á eftir að sjá Benny Crespo's Gang en mér skilst að það sé mjög góð sveit.. Alltaf gaman að sjá eitthvað nýtt!

Til að hita upp fyrir tónleikana er fínt að skoða síðurnar hjá hljómsveitunum en þar er að finna lög af plötunum þeirra.. mæli með að kíkja á það..

en hvað segiði ætla ekki allir að mæta sem geta?