Tölvan er ennþá á verkstæði, ég hringdi í þá áðan og spurði hvort það væri eitthvað að frétta og mér var þá tilkynnt að það væri búið að panta í hana nýtt móðurborð og nýtt skjákort! Töff! Þegar mín tölva ætlar að bila þá gerir hún það bara með stæl... En sem betur fer er þetta allt í ábyrgð enda var ég svo sniðugur að fara með hana strax, annars væri ég að fara punga út feitri fúlgu af peningum sem ég á ekki!!
Gaman að því
En annars er það að frétta að það er komin dagsettning á Ölkrúsarfjélagið Stymma Gísla! það verður haldin hátíð föstudaginn 13.október og er þá einmitt líka Oktoberfest í RISAtjaldi fyrir framan Háskóla Íslands... þess má til gamans geta að á fimmtudeginum 12.okt verður hormottukeppni í tjaldinu.. svo það er alveg spurning fyrir Friðberg að koma verja titilinn... Ég er kominn vel á veg með mína mottu og svo er hann Elías nokkur Einóma bróðir minn og félagi kominn með myndarlega mottu! Ussss
Það væri fínt ef félagsmenn færu að láta vita hvort þeir ætli að koma því það er nokkur biðlisti eftir krúsum í ár..
Föstudagsfílingurinn í þetta skiptið er í formi myndbands..
Jámm hún er alveg búin á því greyið! Þetta fer samt mjög í taugarnar á mér, leiðinda vesen.. þarf að ná að vista gögnin mín á einhverjum utanáliggjandi.. svo ef einhver getur lánað mér einn slíkan í nokkra daga sem hefur já nóg laust pláss (c.a 80 gb) þá má sá hinn sami endilega láta mig vita! Ég þarf að hendast með tölvu drusluna niðrí BT á morgun og vonandi er kvikindið í ábyrgð! Er ekki að fara borga einhvern pening fyrir morðógeðisviðgerð á kvikindinu!
Skil samt ekki hvað getur verið að, hún er alltaf að restarta sig og svo er skjárinn líka alltaf að gefast upp og slökkva á sér.. .þetta er alveg merkilegt, ég meira segja er búinn að formata kvikindið aftur áðan en það varð allt eiginlega bara verra...
Bögg
*Update Fór áðan með tölvuna niðrí BMS tölvuþjónustu (eins gott að ég hlustaði ekki á þig Sigurður) og fékk að vita að það væri 2 DAGAR eftir af ábyrgðinni á tölvunni.. hversu mikil heppni er það?? Jesús.. þetta er svo frábært því að ég er yfirleitt hinu megin við, það hefði t.d ekki komið mér neitt á óvart ef kellan hefði sagt að ábyrgðin hefði runnið út í gær! Allavega þá er ég tölvulaus í að minnsta kosti viku.. held ég.. von það verði ekki mikið lengra vegna þess að þetta er ekki bara tölvan mín heldur sjónvarpið mitt og DVD spilari!! Ég verð þá greinilega mjög duglegur að læra þessa vikuna!
Ætlaði að hafa þetta lengra update, en ég skrifa bara nýja færslu bráðlega!
Hey lúðar sem lesa!! kommentkerfið virkar mjög vel og einnig virkar Gestabókin ágætlega
Jæja þá er farið að styttast í árlega Stymma Gísla partýið, ég veit reyndar ekki nákvæmlega hvenær það verðu því að það hefur ekki ennþá verið tilkynnt hvenær Oktoberfest verður.. En hvenær sem það verður þá kom upp sú hugmynd hjá okkur Helga að hafa mat með í þetta skiptið, þá væri hægt að borða góðan mat og drekka öl svo eftir á.. eins og kannski flestir muna þá hefst partýið yfirleitt svolítið snemma svo það væri gott að fá eitthvað í mallakútinn áður en öldrykkja hefst! Ég nefndi það við Helga að það væri sniðugt að bæta við í hefðina að hafa Plokkfisk, en svo þegar ég var að flakka um á netinu áðan sá ég alveg frábæra uppskrift af Chillirétt
Ég ætla ekkert að vera einræðisherra í þessum málum svo ég ætla leyfa mönnum bara ráða þessu, svo þeir sem eiga krús og aðrir sem hafa áhuga endilega látið í ykkur heyra. Plokkfisk eða Chillirétt dauðans! Nettur!
Já.. það er voðalega takmarkað sem maður nennir að blogga, sérstaklega þegar maður hefur skrifað mjög langa færslu um eitthvað skemmtilegt og þegar ég ætla að fara pósta því á vefinn þá ákveður tölvan að restarta sig.. bara svona allt í einu upp úr þurru.. Afar skemmtilegt.. Ég er svo alls ekki að nenna endurskrifa þetta svo það verður bara koma eitthvað seinna
Var með nokkur mál sem ég var að spá í að blogga um en var ekki viss hvað ég nennti að gera mikið um hvert og eitt málefni svo ég skellti þessu baar saman í eina góða þriðjudagsblöndu.. ef ég þarf eitthvað mikið að tjá mig.. ætti það að sjást á lengd bloggsins og ef þú fílar það ekki.. þá ættiru bara hætta lesa núna og fara aftur yfir á leikjanet í bubbles...
Fyrsta mál á dagskrá er um ofbeldi og hversu algengt að fólk vilji tengja það við tölvuleiki og bíómyndir.. Það er svo auðveld leið eitthvað er það ekki? í stað þess að reyna finna rót vandans þá er lang best að kenna bíómyndum og tölvuleikjum um allt... Ég er alls ekki að reyna verja suma þessa leiki, ég skil sjálfur ekki hversu gaman það sé að hafa það að markmiði að stela bílum og drepa fólk.. kannski er ég bara orðinn gamall.. kannski er ég ekki bara tölvuleikja aðdáandi.. En eitt veit ég, það að fólk spili tölvuleiki eða sjái The Rock skjóta kalla í bíó fær fólk ekki til að apa það eftir.. með þeirri fullyrðingu erum við í raun að segja að við höfum enga stjórn á sjálfum okkur og það sé ekkert mál að stjórna okkur með smá heilaþvotti ! Ég segi bull og vitleysa... smá kvót að lokum til að ljúka þessari umræðu.. þó henni sé alls ekki lokið, öllum er leyfilegt að tjá sig um þetta mál hérna í komment kerfinu.
“Violent American movies like Die Hard, Terminator and Lethal Weapon do very well in places like Canada, Japan and Europe. Very well. Yet these countries to not have nearly the violence of the United States. In 1989, in all of Japan with a population of 150 million, there were 754 murders. In New York City that year, with a population of only 7.5 million, there were 2,300. It’s bred in the bone. Movies and television don’t make you violent; all they do is channel the violence more creatively.”
mál númer tvö.. Ég er stressaða týpan hvað varðar nám og slíkt.. ég veit ekki ennþá hvað mig langar að gera eftir BA og það veldur mér hugarangri.. Einnig hugsa ég oft um þá staðreynd að ég sé fæddur 1980 sem gerir mig 27 ára gamlan 20.mars næstkomandi.. Mér finnst eins og að ég eigi að vera löngu búinn með nám og vera kominn með góða vinnu.. samt sem áður er ég ekki í tíma núna.. Bullandi mótsögn í gangi Borgþór! En svo er kannski ekki málið að stressa sig svona mikið á þessu, ég veit um margar sem eru mun eldri en ég og eru að klára námið núna, meira segja miklu miklu eldri.. Svo þetta þarf ekkert að vera svo mikið stress! Á samt eftir að ákveða ritgerðarefni í BA og á eftir að ákveða hvað ég geri eftir BA.. síðasta árið man! kannski er ég bara stressaður vegna þess að þetta er síðasta árið og ég á við valkvíðavandamál á hæstu stærðargráðu við að glíma! Maður sem getur tekið sig korter að velja súkkulaðistykki á í verulegum vandræðum með að velja ritgerðarefni eða framtíðarvinnu hehe...
Samt eitt gott í stöðunni er það að ég er kominn með 3 hugmyndir að BA... Spruning um að fara hitta einhvern kennara og spjalla við hann um það.
Að lokum vil ég þakka Svenna bró fyrir góða helgi.. ekki oft sem manni er boðið frítt út á land, frítt að borða og gista á flottu hóteli þetta var magnað .. þakka þér!
Jæja þá er að hefjast ný leiktíð hjá stórveldinu KESHAM, æfingar hafa legið niðri í sumar og er ljóst að nokkrar bumbur verða stærri en þær voru í apríl þegar tímabilinu lauk. Árshátíð KESHAM var um daginn og þar var kosið um hina ýmsu titla og er ljóst að menn ætla að standa sig í vetur til að halda titlunum sínum! Allavega þá er fyrsta æfingin hjá stórveldinu mánudaginn 11.september kl:20:30 og þar sem við erum nú búnir að missa allavega einn leikmann til CSKA Moscow þá verðum við að vinna það einhvernveginn upp... endilega þeir sem hafa áhuga að kíkja á mánudaginn.. við erum með ársgjald fyrir þá sem vilja spila allan veturinn en ef menn vilja kíkja einn og einn leik þá ræðum við það á mánudaginn..
Ég hef áður skrifað á þessari ágætu síðu um gatnamótin á lönguhlíð/miklubraut og hversu fáránlegt er að hafa þennan flöskuháls þarna. Eins og sannur Íslendingur gerði ég auðvitað ekkert meira en að röfla um það á síðunni minni og pirrast yfir því þegar ég keyri þessa leiðinlegu leið seinni part dags og röfla um þetta við vini mína. Í dag ákvað ég svo að gera eitthvað meira svo ég sendi til borgarfulltrúa póst um hugmynd mína að loka Lönguhlíðinni svo að umferð gæti fengið að renna mjúklega áfram án þess að stoppa, því þetta er auðvitað bara fáránlegt að vera með 3 akgreina flotta hringbraut sem minnkar niður í tvær akgreinar og myndar svo flöskuháls við gatnamótin við Lönguhlíðina. Það eru margar aðrar leiðir að þessum hverfum þarna og ég tel að það sé ekki nauðsynlegt að hafa gatnamót þarna, þetta er einfalt í framkvæmd og ódýrt og jafnvel væri hægt að hafa aðrein til hægri frá miklubrautinni svo það væri ekki allt lokað...
Ég stakk einnig upp á dýrari aðferð að gera göng undir miklubrautina svo það þyrfti ekki að loka götunni og einnig væri þá hægt að hafa aðrein til hægri svo það stoppi ekki umferðina á miklubrautinni en það er auðvitað mun dýrara en kannski betra til lengri tíma litið. Ég held að það sé nauðsynlegt fyrir okkur sem búa hérna að stinga upp á einhverju sem við teljum vera sniðugt við borgarfulltrúa, þeir eru nú að starfa fyrir okkur sem búa hérna ekki satt? Nú er bara vona að ég fái amk svar.
