Það er nokkuð síðan að ég fékk mér Gmail vefpóst og líkar mér bara nokkuð vel við þetta.. nota þetta svona næstmest á eftir hi vefpóstinum mínum, það er samt allt svomiklu meira svona user-friendly eins og Beggi myndi orða það hjá gmail gaurnum... En þeir eru líka flippaðir þarna hjá þýðendum gmailsins, það er nokkuð góð ruslpóstssía á þessu dæmi og ég var að eyða þeim 150 póstum sem voru samankominn þar áðan, einni sek seinna var allt horfið og það eina sem stóð eftir var eftirfarandi texti "Jibbí, enginn ruslpóstur hér!"... kannski er maður bara lítið sofinn en þetta fannst mér voðalega fyndið.
Meira um þetta, google réttara sagt en þetta er nú allt sama batteríið, en þeir voru að fjárfesta eins og kannski flestir vita í Blogger dæminu og er ég nú kominn á uppfærðan aðgang, þannig að þetta er ekki lengur Blogger Beta heldur bara Blogger.. en yndislegt... engin reynsla komin á þetta en spurning hvort það verði minni hnökrar á þessu...
Að lokum, Lára fór út í morgun til þýskalands, hún er nú meiri beyglan maður.. verður í viku og ætlar að sjálfsögðu að kíkja á leikinn! djöfulsins stemmning maður
Takið föstudaginn næsta frá, Risa Vökupartý, Vaka á afmæli næsta sunnudag og ætlar því að bjóða í teiti með tilheyrandi söngvatni og stemmningu
jæja Andri Hugo fær hrós skilið, enda gerði hann eitthvað sem hefur verið rætt um í bræðrafélaginu í mörg mörg mörg mörg ár... Hann endurbætti hina klassísku heimasíðu Bræðrafélagsins VKB sem má akkúrat finna hérna. Síðan er orðin flott loksins, með heldur betur óvenjulegt útlit, enda bara myndir af okkur bræðrum, heiðursmeðlimum og Þroskaheftin tvö á pdf skjali, og ég mæli með að fólk lesi þau enda bara góð skemmtun! Þetta er glæsielgt framtak og vil ég hrósa þér Andri! Núna er bara spurningin hvort við eigum að þróa málin eitthvað frekar? þó að margir góðir pennar séu innan félagsins hefur það vantað soldið að menn nenni að skrifa eitthvað gáfulegt á síðuna svo þetta er spurning...
allavega skref í rétta átt... Og Haltukjafti spjallið er nýjasta æðið á netinu í dag.. ef þú ert ekki búinn að skrá þig þá verður hreinlega að gera það eins og skot!
Jæja vikan að klárast og kominn föstudagur! margt að gerast svosem, Listakynning Vöku í kvöld á Hressó Kl:20:00, örugglega einhver topptilboð á barnum (Er það ekki Kalli? vóóó)... Heyrðu síðan er maður bara búinn að vera á fullu í BA í vikunni, heldur áfram næstu vikur.. þetta er nett stress, mér finnst ég ekki kunna neitt.. hvað er ég búinn að vera gera sl ár?? Jæja þetta reddast ég veit það! maður heldur að maður kunni ekki neitt en svo er maður að gera allt rétt... hingað til amk!
Tímarnir byrjaðir líka, fór í Perrann á þriðjudaginn og svo í eitt alveg nýtt! Markaðsfræði I núna í morgun, já ég ætla prófa þetta! þetta er semsagt fag sem er kennt við viðskiptafræðideild... Ef mér líst vel á þá jafnvel fer ég í undirbúningsnámið í viðskiptafræði sem eru c.a 30 einingar og skelli mér síðan í master í viðskiptafræði! En sjáum til!
Hvað meira? Jú kosningabarátta Vöku er komin á fullt svo ég mæli bara með að fólk líti við í JL húsið í smá kaffi og spjall... rosalega flott húsnæði sem þau eru með núna og allt mjög vel merkt!
jæja föstudagsfílingur? í rólegri kantinum en hey fokkit það þarf ekkert alltaf að vera brjáluð stemmning!
Ég sat í bílnum áðan að keyra heim og að sjálfsögðu með rás tvö í gangi, þegar þeir skella á fóninn stórsveitinni Hundur í óskilum, en ég hef eiginlega ekkert heyrt með þeim fyrir utan final countdown og lélega útgáfu af You aint nothing but a hounddog sem er mun betur útsett af Andra nokkrum Hugo... En jæja jæja.. Ég heyrði semsagt þetta lag, Kötukvæði og verð bara segja að þetta er nokkuð smellið hjá þeim, afar skemmtilegur fílingur í þessu. Svo fattaði ég einmitt að ég á nokkur lög með þeim í tölvunni og er búinn að vera renna yfir þessi lög og fann líka fínasta áróðurslag fyrir okkur karlmenn... En það heitir einmitt Áfram strákar
Update Eins og einhverjir hafa kannski tekið eftir (haltukjafti liðið) þá hef ég ekki verið alveg netlaus undanfarna daga, ástæðan er sú að á síðustu stundu þá var gerður samningur við Símann um varatengingu meðan á viðgerðum stendur!
Það sem er hvað mesti bömmerinn í þessu öllu saman er að vegna þess að þetta varasamband er lítið og slappt miðað við hina tenginguna þá hafa verið setta takmarkanir á heimatengingar, þannig að það er búið að loka fyrir beinar útlandatengingar notenda í gegnum ADSL, VPN og Stúdentagarða! sem er æðislegt, rosalega er maður eitthvað fatlaður þegar maður kemst ekki á netið! Það er jú hægt að vafra um erlendar síður í gegnum proxy og hægt að senda og taka á móti tölvupóst frá útlöndnum.. en ekki mikið meira! MSN liggur því niðri sem er eitt helsta samskiptatólið manns fyrir utan GSM síma... það er mikið bögg þar sem það kostar að nota GSM síma.
Jæja.. hættur þessu væli.. við lifðum ágætis lífi fyrir daga netsins.. það hlýtur að vera hægt að lifa þetta af í nokkra daga í viðbót
Já jæja það er bara búið að endurbæta gamla og góða spjallið Haltu Kjafti, Hann andri var bara svo duglegur að setja upp nýtt kerfi því að hitt var orðið eitthvað lúið... En þetta er víst bara það besta og flottasta síðan sneitt brauð svo ég mæli bara með að allir skelli sér inn á Spjallið og skrái sig bara einn, tveir og þrír!
Annars er lítið að frétta, BA verkefni komið vel á veg, kosningabarátta Vöku að hefjast, þau voru að flytja í kosningamiðstöð í JL húsinu, er bara ekki klár á því hvenær það verður opnunarteiti. Margt spennandi framundan skal ég ykkur segja. Skólinn hefst á mánudag og svo erum við að fara byrja á körfunni aftur í næstu viku!
Jæja þá er árið 2006 búið og komið nýtt ár.. gaman að því. Aldeilis sem það hefur tekið mig langan tíma að byrja blogga á nýju ári, ég bara eiginlega hef ekki nennt því enda örugglega ekki margir að lesa blogg þessa daganna... Allavega þá er ég kominn í bæinn og byrjaður á BA verkefninu, aldeilis harka í manni finnst ykkur ekki? En ég og Kalli erum bara komnir á fullt í verkefninu, enda ekkert vit í því að vera hangsa með þetta langt fram á vor. Meira hef ég nú ekki um það að segja
Jól og Áramót voru ljúf, það var mikið borðað, sofið, skemmt sér og tja mest megnis legið í leti eins og ég fengi borgað fyrir það.. sem ég fékk ekki.. svindl er það! Ég er búinn að henda inn myndum af þessu öllu saman, ég hef komist að því að ég er orðinn rosalega latur við að taka myndir, það er kannski það að núna eru svo margir komnir með myndavélar að mér finnst varla taka því að vera með enn eina vélina eða þá kannski er maður bara latur.. trúlega betri skýring
Ég er með eitt albúm sem inniheldur partýstuðið með familíunni á Gamlárs heima hjá Möggu móðirsystir.. Mikið rosalega var gaman þarna...
Svo er auðvitað eitt albúm með afrekum VKB manna við að koma upp stórglæsilega merkinu okkar!
Svo að lokum er það Þrettándinn sem er nú eiginlega bara skemmtilegast af þessu.. þarna eru nokkrar myndir úr tröllaverksmiðjunni og svo partý og ball eftir á...
Annars bið ég bara heilsa og Óska öllum gleðilegs nýs árs og þakka bara kærlega fyrir það gamla!
