Ég fer reyndar ekki í neitt krossapróf.. fer bara í eitt próf þessa önnina enda er þetta blessaða nám að klárast.. Fer i próf í Persónuleikasálfræði (Perrinn) þann 7 maí næstkomandi.. Það er ritgerðarpróf, koma 4 spurningar má velja 2 og skrifa eins og vindurinn... ótrúlega skemmtilegt! Freud, Skinner, Rogers og þessir kallar.. En já það þýðir að maður fer að eyða óhóflega miklum tíma enn og aftur niðrí Odda og þar sem að vorið er komið og aðeins heitara er úti er algerlega ólíft að vera inn í Odda.. sem er alveg stórkostlegt!! Ég er að spá í að prófa Öskju, hef heyrt að það sé allavega súrefni þar inni..

Svo er það vinna í ritgerð eftir prófið.. já nei nei þetta er ekkert búið þó að prófin klárist.. Við Kalli förum að reyna gera sem mest í maí mánuði í skrifum, enda var rannsóknin að klárast bara í vikunni sem leið... eigum aðeins eftir að kíkja við einu sinni enn til að taka smá follow up.. en já það er semsagt komið að þeim skemmtilega tíma að skrifa og skrifa og skrifa... Skil eru þó ekki fyrr en í ágúst svo það er smá léttir...

Síðan er það að frétta að ég, Gestur og Tjörvi sálfræðimeistarar miklir erum að rembast við að koma út Sálu sem er blað sálfræðinema... svona seint spurja kannski margir.. en nei þetta er fullkominn tími til að gefa út blað, núna þegar allir eru að lesa þarf fólk að geta gripið í eitthvað skemmtilegt inn á milli til að lesa! Það kemur vonandi í næstu viku!

Að lokum.. föstudagsfílingur þó það sé lítill sem enginn fílingur í manni.. Ætli maður skelli ekki meisturunum í Journey á fóninn... Sjáiði hvað þeir eru svalir?

Ég var að lesa gamlar færslur eftir mig.. aðallega frá árinu 2004 sem er orðið svolítið langt síðan! Eitt sem ég tók eftir.. það er að færslum hefur fjölgað svakalega.. kannski var meira af svona stuttum færslum um ekki neitt hérna áður fyrr.. ég veit ekki.. allavega erum við að tala um eins og í apríl 2004 er eitthvað yfir 50 færslur þann mánuðinn.. það er mikið!! það er eiginlega mjög mikið... ég held að ég gæti ekki gert það í dag... Þetta er kannski aldurinn eða nennarinn.. ætli það sé nennari í manni? það er allavega slökkt á honum þessa daganna hjá mér! Hvernig kveikir maður á honum? hvar er hann?? allt stórar spurningar sem enginn nennir að svara.. kannski þarf að kveikja á nennaranum til þess...

Annað sem ég tók eftir er að bull færslum hefur fækkað líka.. ég var að skrifa svo mikið bull hérna áður fyrr að ég á erfitt með að trúa að ég hafi virkilega verið að skrifa þetta.. hehe þetta er soldið spes... Kannski ætti maður að taka þetta saman og henda í bók.. VÁ leiðinleg bók! en fín jólagjöf.. ekkert betra en að gefa leiðinlega bók í jólagjöf!!

Að lokum smá alvara... Djók

Hulda Sigurðardóttir skrifar

"Ætlar bæjarráð að hafa starfsmann um borð í Herjólfi til að láta ökumenn blása í áfengismæli áður en þeir aka frá borði?"

Ég spyr er virkilega þörf á því? Það er fyrirþað fyrst ekki búið að samþykkja það að leyfð verði áfengissala um borð í Herjólfi það er undir þeim aðilum sem reka skipið komið, Vestmannaeyjabær fagnar því að leyfð verði sala til að gera ferðina kannski menningarlegri fyrir túrista, því það er nefnilega málið að túristar ferðast ekki með Herjólfi að sama skapi og við hin sem notum hann sem samgöngur við fastalandið... Ef ég væri að ferðast um landið og dytti það í hug að ferðast með Herjólfi til Eyja þá væri ég ekkert á móti því að fá mér eins og einn eða tvo bjóra á meðan siglingu stendur.

Er höfundur þessarar stuttu greinar virkilega að segja það ef að áfengi yrði selt um borð í Herjólfi að þá myndi fólk drekka og keyra? hverjum er það að kenna nema því heimska fólki sem gerir slíkt? það er engin rök ég veit það en það er ekki ríksins né sveitafélagsins að passa upp á hvern einasta samfélagsþjón í þessu landi... Ef við virkilega getum ekki treyst fólki fyrir því að haga sér til hvers erum við að selja áfengi yfir höfuð? Eigum við ekki bara banna það alfarið = engin slys ekki satt? Þetta eru fáránleg rök og forræðishyggja.

Þá er spurningin er fólki virkilega ekki treystandi til þess að sleppa áfengi ef það er til boða og það þarf að keyra? er ekki beinlínis verið að segja að við erum fávitar sem höfum ekki stjórn á sjálfum okkar? Mér ofbýður svona kjánalegheit...


Ég nenni ekki að gera tvö blogg svo ég blanda þessu saman
En Eyjar.net tala um að sjálfstæðisflokkurinn í Eyjum hafi tapað meirihluta sínum, það fyndna er að spurt var í öllu suðurkjördæmi og spurt var "hvað myndir þú kjós ef kosið væri í dag?" þ.e.a.s með leyfi forseta. Úrtakið var trúlega um 800-1200 manns svo að hægt sé að segja að úrtakið sé marktækt, en svo voru tölurnar flokkaðar eftir byggðafélagi, eins skemmtilega og það hljómar að sjálfstæðisflokkurinn fengi 48% í Eyjum þá er það langt frá þvi að vera marktækt .. sko ekki eins og stjórnmálmenn tala um marktækt heldur er þetta út úr hött marktækt þar sem Vestamannaeyjar falla undir þennan 800-1200 manna úrtak og að túlka nánar unir þeim formerkjum er fáránlegt!

Svo er nú það ef það er eitthvað að marka þetta.. þá eru vinstri grænir og samfylkingin samanlagt með rétt rúmlega 48% eins og sjálfstæðisflokkurinn mældist einn og sér, ég veit ekki betur en að það sé ágætis árangur! Voru vinstri grænir og samfylkingin saman í sveitastjórnarkosningum? er Vestmannaeyjalistinnn byggður á þeim grunni? Ég bara spyr því ég veit ekki meir?... Er líka virkilega hægt að bera saman sveitastjórnarkosningar og könnun sem er gerð fyrir landsmálapólitík...

æji þetta er allt svo flókið í dag ekki satt...

Tilkynning
Res Extensa heldur fræðakvöld nú í kvöld, 17. apríl. Fræðakvöldið verður
haldið á efri hæð Café Victor (Hafnarstræti 1-3),
og hefst það kl. 20:00. Á fræðakvöldinu getur fólk hlýtt á áhugaverða
fyrirlestra í afslappaðri stemmningu. Þeir sem vilja geta að sjálfsögðu
keypt sér mat og drykk á Café Victor.

Fyrirlesarar kvöldsins eru þau Karl Ægir Karlsson og Margrét Dóra
Ragnarsdóttir. Karl Ægir er Ph.D. í hugrænum taugavísindum og
atferlistaugavísindum (e. Cognitive and Behavioral Neuroscience), og er
lektor við Háskólann í Reykjavík. Hann flytur fyrirlesturinn: "Er svefn
nauðsynlegur?" Margrét Dóra er B.A. í sálfræði og M.Sc. í tölvunarfræði.
Hún starfar sem nytsemisfræðingur og er aðjúnkt í tölvunarfræði við
Háskóla Íslands. Fyrirlestur Margrétar Dóru nefnist: "Að vera notalegur:
Hvað gera nytsemisfræðingar?"

Við vonumst til að sjá sem flesta á Café Victor í kvöld.

Jæja helgin búin og 37.landsfundi Sjálfstæðisflokksins einnig lokið sem var jafnframt minn fyrsti landsfundur. Ég var búinn að vera spá í því hvort ég ætti að skella mér og þegar ég komst inn sem varamaður í fulltrúaráðinu hjá þeim í Eyjum þá ákvað ég að skella mér með og verða vitni af þessum. Ég verð að segja að það sem kom mér hvað mest á óvart er það hversu mikil áhrif maður getur haft á þessum fundi. Við eyjastrákarnir héldum soldið hópinn og fórum á nokkra nefndarfundi og náðum að koma inn ýmsu sem tja ég var alls ekki vongóður að myndi nást svo ég var nokkuð ánægður. Þá var maður meðflutningsmaður fyrir 4 eða 5 mál sem öll náðust inn og fengu blússandi kosningu á stóra fundinum sem var frábært...

Ég var líka frekar ánægður með Eyjamenn á þessum fundi, við náðum inn öllum okkar óskum inn í drögin nema þá helst að því miður náðu hvorki Grímur né Skapti inn í miðstjórn. Ályktunin um samgöngumál lofar mjög góðu fyrir okkur Eyjamenn, breytingar á far og farmgjöldum sem og rannsóknir á sjófuglum osfrv.

Allt í allt var þetta bara mjög gaman og reyndar athyglisvert að fylgjast með þessu... það er alveg ljóst að ef maður vill hafa áhrif á það sem er að gerast í þessu landi þá þýðir lítið að sitja við hliðarlínuna og röfla, það er bara slá til og berjast fyrir sínu málefni á svona landsfundi, sama hvaða flokki það er.

Takk fyrir mig öllsömul, þetta var stuð!

Jæja þá held ég að það sé komið að úrslitum og það er nú bara fyndið að fyrsti aðilinn til að senda inn svar vann þessa getraun, ekki að þetta hafi eitthvað verið auðvelt a.m.k voru margir í vandræðum með nokkrar myndirnar... Kannski maður ætti að segja hvaða myndir þetta voru áður en úrslitin eru birt en myndirnar eru í þessari röð:

1. 101 Reykjavík
2. Neverending Story
3. Downfall
4. Goonies
5. Labrynth
6. PÍ
7. The Others
8. My cousin Vinny
9. The meaning of life
10. Lost in translation
11. Lost in space
12. The Lost world: Jurassic park

Eins og sést þá var svolítið þema þarna í lokin hehe.. En eins og ég tilkynnti í byrjun þá fær aðili rétt fyrir að svara jurassic park en aðeins hálft stig en að tilgreina annaðhvort númer tvö eða the lost world er fullt stig. Það var enginn sem náði fullu húsi en það voru tveir sem náðu 11.5 stigum og það voru Nonni (ekki þó Feldskerinn heldur kvikmyndasénínn Jón Tómas Einarsson) og svo var feiti dvergurinn Zindri Freyr einnig með 11.5 stig, þeir flöskuðu báðir á júragarðinum. En það er bara einn sigurvegari og það er sá sem var á undan og það var hann Nonni svo að feiti dvergurinn þarf að bíta í það súra epli að vera í öðru sæti í þetta skiptið.

Lokastaðan var því svona

1. Nonni -- 11,5 stig
2. zindri -- 11,5 stig
3. Daði -- 10 stig
4. Tóta -- 9 stig
5. Ástþór -- 7.5 stig
6. Gummi -- Lú 7 stig
7. Helgi -- 6.5 stig
8. Sigga Dögg -- 6.5 stig

Þannig fór þessi getraun og þetta var nú ansi skemmtilegt.. númer 7 var að vefjast fyrir mörgum og komu dæmi um Lemony Snickets og The Chronicles of Narnia. Sigga dögg kom með það skemmtilega svar að giska á godzilla á risaeðlumyndinni sem er úr myndinni Lost in translation. Daði kom með þá skemmtilegu ágiskun í númer 6 sem er PÍ að það væri myndin "Sindri fer á fætur" hehe

En jæja.. þetta var skemmtilegt.. aldrei að vita nema maður nenni að slá saman einhverri getraun aftur svona í lok maí... þá kannski ögn erfiðari? hvað segir fólk um það?

Svona á meðan fólk er að bíða eftir úrslitum þá getum við kíkt á Dirty Space News

Jæja þá er komið að kvikmyndagetraun númer tvö!! Það var Zindri feiti sem rétt marði þetta síðast og reyndar vann hann bara á því að vera á undan Einari með að senda inn svörin.. það er ágætis spenna í því svo sú regla gildir áfram flest rétt svör á sem stystum tíma... Það koma 12 myndbrot og eina sem þarf er að nefna úr hvaða kvikmynd þetta myndbrot. það gefst afturámóti bara hálft stig ef það er ekki nefnt hvort myndin sé númer eitthvað þ.e.a.s númer 2, 3, osfrv. ekki þarf að taka fram að myndin sé númer eitt í röð framhaldsmynda það sem slíkt gerist nú aldrei.. nema kannski star wars en það er nú önnur saga...

Allavega sama og síðast... EKKI SENDA SVÖR Í KOMMENT heldur skal senda á póstinn borgthor@gmail.com


























Gangi ykkur vel
Svör eftir c.a viku

Nýjasta tískufyrirbrigði í dag er að ganga um í náttbuxum... gott og vel ég veit svosem um kjánalegri tískuslys.. muniði t.d eftir skotthúfunum? En þetta fyrirbrigði kom mér samt til að hugsa.. hvernig fer eitthvað svona af stað? Það ákveða ekki bara allir einn daginn að nú sé sniðugt að ganga um í náttbuxum... nei svona tískufyrirbrigði koma yfirleitt úr sjónvarpi eða eitthvað í þeim dúr en einhver hlýtur að byrja á þessu hérna... pottþétt vinsæl stúlka sem ákvað einn daginn að hún nennti ekki að klæða sig í föt einn morguninn áður en hún fer í skóla (örugglega ekki strákur, þeir eru voða lítið í trend-settinu)... Já það var semsagt einhver letingi sem nennti ekki að klæða sig einn daginn sem kom af stað nýrri tískubylgju...

eða hvað? ég get ekki fundið betri skýringu... af hverju ætti fólk að klæðast afar efnisþunnu og óhentugum klæðnaði um miðjan vetur á Íslandi? Í hvaða aðstæðum er fólk að gera það?
maður stekkur út í búð og nennir ekki í úlpu og hleypur á stuttermabol
Stúlkur fara á djammið í efnislitum fötum

Mér dettur bara ekkert meira í hug... fólk gerir þetta annað hvort vegna leti eða til að heilla fólk á djamminu...