Já í dag á hið stórmerkilega félag, Bræðrafélagið VKB afmæli... og það er hvorki meira né minna en 9 ára í dag sem þýðir það að á næsta ári er stórafmæli og það er búið að stofna nefnd til þess að vinna að því að gera 10 ára afmæli VKB sem veglegast... en það er langt í það... í dag fögnum við með bræðrum og velunnurum og hefur forseti vor boðið til grillveislu að Bjaddnastöðum og fékk ég formlegt boð þangað. Þar verður fagnað með bjór í hönd og steik í hinni.
Ég ætlaði með Herjófi á morgun en fékk mun betri ferðafélga en jólfinn... því að Sigurður Björn Oddgeirsson sem einnig á afmæli í dag hefur einnig þegið boð forseta vor og ætlum við að taka bakkaflug á morgun og keyra í bæinn. roadtrip og læti!!
Jæja ég enda þessa færslu á einkunarorðum VKB og fagna ég gríðarlega þessum stórkostlega degi!!
"Í upphafi var orðið, og orðið var hjá Katli. Ketill var orðið og sjáið hvað hefur orðið."
Nú fyrir skömmu birtu Eyjafréttir þessa fréttatilkynningu frá forseta VKB Hr.Helga Ólafs. Ég held það sé best að birta tilkynninguna í heild sinni hérna
Ágætu bæjarbúar Um margra ára skeið hefur hér í bæ ríkt hrokafullt félag manna sem telja sig afbragsgóða ökumenn. Þetta félag er samansafn fyrrverandi vonarstjarna Vestmannaeyja sem lifa og hrærast í gömlum (en þó löngu kulnuðum) glæðum. Yfirgangur þessara manna hefur valdið bæjarbúum miklu ónæði og amstri til margra ára.
Árið 1998 urðu hinsvegar miklar breytingar á samfélagi Eyjanna, allar til mikils batnaðar, þegar stofnaður var félagsskapur ungra fallegra manna sem vildu, ólíkt áðurnefndu villimannafélagi, hafa góð áhrif á samfélagið, láta gott af sér leiða og vera fyrirmynd ungra jafnt sem aldraða. Félag þetta er að sjálfsögðu Bræðrafélagið VKB. Á aðeins þessum níu stuttu árum hefur ánægja og gleði meðal bæjarbúa aukist stórum. Fólk er almennt mun bjartsýnna og ef vel er að gáð má jafnvel sjá stjörnublik í augum unga fólksins. VKB menn hafa fært gleði í hjörtu bæjarbúa með allskyns uppákomum og hjálpað þeim sem minna mega sín. Ólíkt fyrirrennurunum í Fyrirmyndar bílstjóra félaginu, sem einungis eru til ama hvar sem þeir koma. Nú eru lesendur líklegast farnir að spyrja sig hvað fái undirrtiaðan til að reyna að bera saman þessi tvö félög, sem greinilega eru jafn ólík og epli og appelsínur. Ástæða þess er einföld, við VKB bræður getum ekki lengur staðið aðgerðalausir meðan við verðum æ ofaní æ vitni að yfirgengilegum hroka og yfirgangi meðlima Fyrirmyndar bílstjóra félagsins. Því höfum við skorað þá á hólm, og ætla fulltrúar félagana að mætast á miklu íþróttamóti í föstudaginn 6. júlí. Mótið, sem haldið er til heiðurs einum merkasta syni Eyjanna, sjálfum Sigga Reim, kallast Reimleikar og verður svo stórt og glæsilegt í sniðum, að allt fór í háaloft innan alþjóðaólympíunefndarinnar er hún frétti af áætlunum okkar varðandi Reimleikana. En það var þó sjattlað yfir einum kaffibolla, þegar fulltrúar mótshaldara komu þeim í skilning um að á engan hátt stæði til að skyggja á ólympíuleikana. Sem breytir því þó ekki, að við VKB menn komum til með að sópa göturnar með Fyrirmyndar bílstjórum.
Stærsti íþróttaviðburður Íslandssögunnar verður föstudginn 6.júlí. Þá verður fyrsta áskorunarmót milli VKB og Fyrirmyndabílstjórafélagsins, þessi keppni kallast Reimleikar og eru til heiðurs Sigga Reim brennukóngs.
Ég mæli með að fólk fylgist vel.. og missi alls ekki af þessari stórkostlegu skemmtun
Langaði að óska stelpunni í herbergi B til hamingju með daginn... Hún er loksins búin að ná mér í aldri og þroska þá jafnvel líka .. haha Hafðu það gott í dag beyglan mín
Ég er örugglega áður búinn að smella þessu lagi á bloggið mitt í einhverjum nostalgíufíling.. en veistu mér er bara alveg sama.. því þetta lag er bara alger snilld..
Chinese guy: Hey, now that you're here we can go to Sylvia's in Harlem and get some soul food. Black guy: What do you mean, "now that I'm here"? What, you can't go to Harlem by yourself, but now that you've got your token black you're safe? That's fucked up. Chinese guy: Let me ask you something: would you go to Harlem alone at night? Black guy: OK, that's not the point.
ALdeilis sem að bloggfærslum rignir hér inn... Það er svona þegar maður er duglegur að taka myndir, þá er maður duglegur að blogga... svona til að segja frá og benda fólki á að kíkja á myndirnar... Daði var nefnilega svo mikill öðlingur áðan að hann bauð í tuðruferð og maður sleppir því ekki! Það er nefnilega mun sniðugri leið til að eyða kvöldinu heldur en fyrir framan imbakassan! Eftir tuðruferðina fórum við Daði að skoða heimalingana .. og það er bara fyndið.. þetta eru bara eins og 3 hvolpar! alger snilld
Að lokum fórum við uppá Stórhöfða þar sem var dúnalogn.. já þið lásuð rétt það var logn á stórhöfða! ALveg magnað að vera þarna... alger ró yfir öllu!!
Jæja þessi fína helgi búin og þó það sé ekkert sérstaklega planað þá deyja menn sko ekki ráðalausir.. Hannes og Haffi útbjuggu bara útihátíð á föstudaginn... Ákveðið var að halda hátíðina inn í Klettsvík og þangað væri ferjað fólk á Öllara (með smá aðstoð). Kl:19:00 var haldið af stað og var það Halldór pabbi hans Haffa sem skutlaði okkur inneftir. Þar var soldið pus á leiðinni úteftir og allir kaldir og blautir þegar komið var á staðinn, þá var bara kveikt á varðeldinum en nóg var af brenniviði þarna úti... Eitt helvíti magnað atriði kom fyrir þarna útfrá en málið er að ég finn þarna tvo trúlofunarhringa.. ekki á hverjum degi sem að maður finnur hringa í fjörunni sem hafa skilað sér úr hafinu. Þeir fóru nú ekki langa leið.. ég held ég leyfi eigandanum útskýra þetta nánar hehe. Allavega þá voru við þarna til tjaa.. eitthvað að nálgast miðnætti og þaðan var farið i partý upp á Brekastíg og síðan skellt sér á Drífanda. Þetta var nú bara afar skemmtileg ferð og vona ég að svona lagað verði endurtekið sem oftast í sumar. Maður sá nú svo eftir á að fólk hefði getað fylgst með skemmtuninni hérna... ekki oft sem það er útihátíð live á netinu.
Ég er annars búinn að borga fyrir myndasíðuna mína.. þarf ekki að spá í því veseni aftur fyrr en eftir 2 ár hehe... og myndasíðan er komin upp aftur.. Svo ég hennti inn myndunum frá því á föstudaginn hingað inn.
Svo var nú VKB að koma sér upp Youtube síðu og þar er hægt að fylgjast með vídjóum frá félaginu... allskonar vitleysa að sjálfsögðu.
15.júní í dag og það er föstudagur svo það er sólskin í hjarta hjá flestum. 15 júní er líka afmælisdagur.. það eru alveg þrír aðilar sem ég veit um að eiga afmæli í dag... Séra Ólafur Jóhann, nýjasti meðlimur VKB á afmæli í dag, hún Jóna á afmæli í dag og svo hún Maren líka og ég óska þeim öllum til hamingju með afmælið. Þið kannski spyrjið hvað sé í gangi nú, er Boggi að fara óska öllum sem hann þekkir til hamingju með afmælið á blogginu sínu? Nei ekki svo gott.. fannst bara sérstakt að svona margir sem ég þekki eiga afmæli á sama degi og auk þess er annar aðila sem átti afmæli á þessum degi. Hann hefði orðið 104 ára gamall í dag en það er langafi minn hann Þorgeir Jóelsson frá Sælundi.
Ég kynnist honum langafa lítið en hann dó þegar ég var að verða 4 ára gamall. En þó man ég óljóst eftir honum, ég veit ekki hvort það eru sögurnar af honum sem langaamma sagði og allar myndirnar af honum að þetta gætu verið svona falskar minningar en ég man samt óljóst eftir honum.
Ég komst að þessum upplýsingum þegar ég var að skoða Heimaslóð en þetta er alger snilld þessi vefur. Þarna komst ég líka að því að um langafa voru samdar formannsvísur og þar á meðal stórskáldir Loftur Guðmundsson sem skrifaði Síðasti bærinn í dalnum.
vísan er á þessa leið:
Fyrir þrótt sinn þor og fjör Þorgeir orðstírs nýtur, er Lundinn hlaðinn heim að vör hvíta kólgu brýtur.
Gleðifréttir.. það á að fjölga ferðum Herjólfs yfir háannatímann í sumar sem þýðir það að 3 ferðinni er bætt við á til dæmis föstudögum. Þetta er frábært vegna þess að þetta gefur tækifæri fyrir fólk að komast á öðrum tímum eins og á nóttunni upp á land en aðallega er þetta frábært að meiri likur eru á að fólk komist upp á land (með bílinn) bara yfirhöfuð... Þó skal ég lofa því að þetta leysi vandann aðeins í skamma stund! alveg eins og það þótti frábær samgöngubót að fá 2 ferðir alla daga varð það fljótt ekki nóg... Kröfur samfélagsins og mun fleiri bifreiðar eru bara orðnar svo miklar að ég sé eina lausn og eingöngu eina lausn og það er að grafa hérna göng á milli.
Þá loksins eru Vestmannaeyjar samkeppnishæfar! og á ferðamannaiðnaðurinn eftir að springa út hérna í Eyjum það er eitthvað sem ég veit að fólk órar ekki fyrir um... Það er nóg að sjá hvað þvílíkur ferðamannastraumur liggur á þessa týpísku staði, gullfoss, geysir og þingvelli... Ef ferðamenn geta gert sér ferð til Eyja með bíl þá á svo sannarlega eftir að aukast mikið ferðum hingað!!
Það er nefnilega þannig að við eigum algera perlu til að sýna.. meira segja sagði skipstjóri Endeavour í hádegisfréttum að farþegar skipsins væru dolfallnir yfir náttúrufegurð Vestmannaeyja og sögu Surtseyjar. Gallinn er bara að hingað koma ekki alveg nóg af farþegaskipum. Sem myndi aukast með göngum = efnið sem tekið væri þaðan væri sett í stórskipahöfn við Eiðið. Flugfarþegum myndi fjölga vegna þess að það er einfaldara að taka rútu og eða keyra sjálfur til Eyja heldur en að treysta á flug og eða lengja ferðina með Herjólfsför því þeir sem þekkja til þá ferðu ekki í dagsferð til Eyja með Herjólfi.
En jæja þetta fer að verða orðið gott um þetta mál. Áður en fólk byrjar að rífa kjaft þá ætla ég að koma með nokkra punkta. Það hefur aldrei nokkurntíman verið talað um það að Eyjamenn séu að heimta það að ríkisstjórnin sé að fara borga fyrir göng til Eyja! Það hefur verið talað um borgun rannsókna = c.a 20 milljónir. Niðurfelling VKS og halda áfram þeirri niðurgreiðslu sem núþegar er í gangi með Herjólf. Amk þar til að göng hafa borgað sig upp á þessum c.a 40-50 árum!
Og já göng til Eyja kosta ekki 70-100 milljarða. Allt fokking heila klabbið upp á Kárahnjukum kostaði c.a 100 milljarða* með 40 km löngum göngum..
Nú veit ég um amk tvo menn sem eiga eftir að stara á skjáinn, blótandi í hljóði að þeir skulu vera svona langt frá Brandinum. Þórir Ólafs hringdi í mig áðan og spurði hvort ég væri til í að koma með út í Brand að hjálpa til við að koma nýjum vatnstanki upp hlíðina... ekkert mál.. það var algert ævintýri að sjá þessa múnderingu hjá köllunum en það er sama það tókst að koma þessum 360 kg tanki upp alla hlíðina og smokra honum við hliðina á veiðikofanum. Núna ætti að verða nóg til að vatni ofan í mannskapinn... tankurinn tekur 5 tonn...
En maður tók að sjálfsögðu myndavélina með enda er Brandurinn svo rosalega fallegur... Það versta var að sjá hversu lítið var af Lunda, alveg hræðilegt að sjá brekkurnar svona tómar. Auk þess komst ég að því að formið er hræðilegt á manni, alveg búinn eftir gönguna upp hehe.. og drepast í höndunum eftir tuðruferðirnar tvær... agalegt átak er þetta að ferðast með tuðru svona á milli hehe
Jæja þá er maður búinn að fara í fyrsta sjóstangarveiðitúrinn í sumar... og það verður sko nóg af þessu gert í sumar það er á hreinu.. Þvílíkt stuð maður. Pabbi hringdi í mig áðan og sagði að hann ætlaði út á Eydísi kl:17:00 og spurði hvort ég vildi ekki koma með, ég var ekki lengi að hugsa mig um, hringdi líka í Írisi frænku og tók hana með. Við fórum síðan út með Ævari líka og barnabarni hans honum Felix. Pabbi var nefnilega með þremur öðrum snillingum að kaupa sjóstangveiðibát og stofnuðu fyrirtækið Sæsport. Þannig að ef ykkur langar að kíkja í smá sjóstöng í blíðunni hérna í Eyjum þá endilega kíkiði á heimasíðu Sæsports og skellið ykkur ég mæli hiklaust með þessu... Önnur eins skemmtun er vandfundin!
Allavega við fórum út nokkur áðan og þó að veiðin væri frekar dræm, það var aðallega yngsti maðurinn hann Felix sem mokveiddi þá var þetta alveg stórkostlega gaman. Veðrið var yndislegt og alltaf er það jafn gaman þegar það bítur á...
Ég byrjaði á því að krækja í tvo litla karfa svo gerðist bara ekki neitt í langan tíma.. svo komu nokkrir í röð, fékk vænar ýsur og einn gulan... Síðan fór maður bara með þetta heim í soðið! Það hefði nú líka verið skemmtilegt að grilla um borð en það er einmitt boðið upp á það.
En jæja nóg um þetta...Ég veit bara að þetta verður endurtekið, ef það er rólegt að gera hjá pabba þá ætlar hann bara svona ferðir með mann... meina þýðir ekkert að vera með bátinn alltaf við bryggju.. eitthvað verður að nota kvikindið! Það var nú eitt samt sem ég fattaði ekki, það var að setja á sig einhverja sólvörn.. maður fattar ekkert að sólin endurkastast svona rosalega þegar sjórinn er svona sléttur og maður glápandi beint ofan í sjóinn í 2-3 tíma hehehe... jæja maður er kominn með smá lit - þó rauður sé.. meina rauður er litur!
Rakst á verðskrá Póstsins þegar ég skrapp á pósthúsið áðan, sá að það kostar 2560 krónur að senda 80kg á svæði 4 sem er einmitt frá póstnúmeri 900 til póstnúmer 101. Það afturámóti kostar 3220 * krónur ef ég panta núna með flugi til Rvk á morgun.
Horfði á stórgóða mynd í gær.. gerði mér glaðan dag og tók mér ævintýramyndina Pan's Labyrinth eða El Laberinto del fauno eins og hún heitir nú á frummálinu. Þetta er ein af þessum myndum sem ég var með í geymslunni, svona.. sá hana á leigunni og ætlaði að taka hana en þá sá ég kannski Anaconda 16 og hún heillaði meira enda er maður svo gegnumsýrður af hollywood viðbjóði.... En jæja ég sló til og tók þessa í gærkveldi og hreinlega sé alls ekki eftir því. Myndin er ótrúlega vel gerð .. það er kannski best að taka það fram.. en það getur nefnilega skemmt svolítið fyrir ef svona ævintýramyndir eru það illa gerðar að ég gæti tekið upp mynd með gömlu VHS vélinni hans afa og tröllunum niðrí Tröllaverksmiðju ÍBV.
Myndin er náttúrulega á spænsku ef þið vissuð það ekki, en það fór svo alveg fram hjá mér.. um leið og maður byrjar á henni sekkur maður svo inn í myndina og plottið að liðið gæti þess vegna verið að tala afturábak. Maður er vanur textalesningu svo þetta er oki! Annars er plottið fínt og alls engin hollywood ævintýramynd á ferðinni.. dökk og dimm mynd og til dæmis skógarpúkinn í þessari er afar creepy en hann er það einmitt ekki í þessum týpísku Hollywood myndum, samanber skógarálfurinn í Narnina. Sagan er afar góð og ég skemmti mér bara mjög vel yfir þessari annars ágætu mynd.
Tölur tala sínu máli, fram kemur á mbl í dag að farþegum til landsins á tímabilinu jan-maí hefur fjölgað úr 280 þús í 300 þús miðað við sama tíma í fyrra og samkvæmt þessari frétt þá fjölgar gistinóttum á hótelum í RVK um 12% í apríl. Á sama tíma og í raun alveg frá því að hvalveiðar hófust tala mótmælendur þeirra veiða um skaðsemi á ferðaþjónustu og ímynd Íslands muni skaðast. Vitiði það.. þetta er bara andskotans kjaftæði! Hvaða ímynd nokkrir friðasinnar og hippar út í heimi hafa á Íslandi breytir engu um hvort fólk vill sækja þetta fallega land heim. Ég veit ekki betur en að Bandaríkjamenn veiða með allra þjóðum mest af hval auk þess sem þeir standa í vafasömum stríðsrekstri, eru með mikin orkufrekan iðnað, skaða umhverfið og allt þetta kjaftæði en ferðaþjónustan þar er sterkari sem aldrei fyrr... Þetta nefnilega helst ekkert saman í hendur! Ég held að flestir þeir sem hafa áhuga á að heimsækja Ísland geri það út af því að Ísland er í tísku, það er nýtt og það fer gott orð af gestrisni Íslendinga í fjölmiðlum erlendis svo skaðar það ekki að í hvert sinn sem að kvikmyndastjarna heimsækir ísland fer sú stjarna í Jay leno eða Letterman og segja hvað það sé brjálað stuð hérna.
Það hefur mun meiri áhrif á fólk heldur en það að Íslendingar veiði hval... hverjum er ekki andskotans sama um einhverja hvali... 300 þúsund ferðamenn er amk nákvæmlega sama!
