Jæja þá er ég formlega fluttur af görðunum.. Afhenti lyklanna áðan upp á skrifstofu... Soldið skrítið að flytja þaðan þar sem að maður er búinn að búa þarna síðan haustið 2004! Það er þokkalegur tími... En jæja breyttir tímar og núna er maður fluttur í vesturbæinn í þessa fínu íbúð... sem er reyndar ennþá semi í rúst því að ég er búinn að eyða mestum tíma í að flytja og þrífa íbúðina á Eggertsgötunni... En núna fer maður að geta lagað til í nýju íbúðinni... Þarf að kaupa mér fataskáp bara.. Hugsa með hryllingi að fara í IKEA eða Rúmfatalagerinn... þetta eru ekki skemmtilegar búðir!
En meira í fréttum! Ég náði Hugfræðiprófinu.. ekkert toppeinkunn en ágætt miðað við lestrartíma fyrir svona stórt próf.. Núna er eina málið á dagskrá að klára ritgerðina og finna vinnu!
Var að flakka í gegnum Joox um daginn sem er by the way lang besti vefurinn til að glápa á myndir og þætti í DVD gæðum... en allavega.. langaði að sjá eitthvað nýtt og ferskt og rekst þar á þætti frá BBC1.. Life on mars! Þættirnir fjalla um mann Sam Tyler sem er að rannsaka glæp í Manchester þegar hann lendir fyrir bíl og vaknar aftur en þá er hann kominn til ársins 1973... Hann veit ekki hvort hann sé geðveikur, í dauðadái eða kominn aftur í tímann.. Hann þarf að lifa eðlilegu lífi þarna í Manchester í allt öðruvísi umhverfi en hann er vanur, þar sem eðlilegast þykir að löggan sé spillt, lemja alla og gera allt geðveikt! Tíðarandinn er nokkuð góður og hreimurinn og tískan.. húmorinn er bráðskemmtilegur og týpurnar eru frábærar í þessum þætti. Inná milli eðlilegs lífs þarna 1973 er Sam Tyler að reyna komast að því hvernig hann komst þangað og hann nær stöku sinnum "sambandi" við nútíman en hann veit ekki hvort hann sé bara nokkuð geðveikur eða ekki... Þetta gerir þættina óneitanlega soldið spes en líka mjög spennandi því maður fær lítið að vita hvað nákvæmlega er að gerast... Það eru 2 seríru og virðist samkvæmt Joox að lokaþátturinn sé í 2.seríu svo þetta er ekki endaleysa eins og amerísku langlokurnar!
Ég annars bara mæli með þessum þáttum í þynkunni eða jafnvel ef fólk nennir ekki að tjútta um helgina og hefur ekkert að gera! Hérna eru þeir
Auðvitað notar maður tækifærið og skellir með þessu frábæra lagi...
Fólk hefur eflaust undrað sig á því hvers vegna fallegasta mannvirkið í dalnum sé ennþá uppi. Það er nú einföld ástæða fyrir því en okkur hefur borist fjölda áskorana að halda vitanum sem lengst uppi og talað er um stofnun nefndar til verndar vitans svo að niðurrifs gæjar komist ekki nálægt honum, við erum ekki jafn vitfirrtir og brennugengið sem kveikir bara í sínu mannvirki ár eftir ár. Nýjasta sagan af niðurrifsgæjum er af Jóa P. sem sá frétt á dalurinn.is og varð hann svo hræddur um að fá skammarverðlaun að hann rauk niðrí dal og keyrði viftuna niður sem er ágætt svosem en verður trúlega mikið bras fyrir hann að ári að púsla þessu saman.
Við Vitamenn vitum að það er nákvæmisvinna bak við það að taka niður vita og fylgja því ýmsar reglugerðir og bras, einnig þurfum við að berjast við mótmælendur sem vilja halda vitanum uppi. En þar sem allt verður að fara niður í dalnum verðum við að fylgja því og stefnum að því að hann fari niður í nóvember.
Einnig verður að leiðrétta fréttamenn hjá dalnum sem segja að vitinn sé einn eftir niðrí dal, það er alger vitleysa þar sem áreiðanlegar heimildir eru fyrir því að Veitingartjaldið er ennþá uppi, brúin og vatnspósturinn.
Oddi, gamli góði Oddi... þetta er nú með síðustu dögunum sem maður eyðir hérna í þessari meingölluðu byggingu svo maður verður nú að nýta tímann vel og njóta! Ég er semsagt að læra undir sumarpróf... er að fara í Hugfræði þann 23.ágúst það er einmitt mynd af þessari yndislegu bók með færslunni og það er hægt að sjá það langar leiðir hversu skemmtileg þessi bók er!! Stefnan er að lesa hugfræði núna næstu viku með kannski smá pásu um helgina, er að pæla í að reyna flytja á föstudaginn og kannski maður skellir sér niðrí bæ á laugardaginn á menningarnótt... en annars er það bara Oddi og vont kaffi á planinu næstu viku!!
Ég lýg því reyndar ég á eftir að skrifa BA ritgerð og verð eflaust meira og minna hérna í þeirri vinnu... það fer að styttast í skil á kvikindinu... 21.sept.. nett stress í gangi en maður gerir sitt besta bara...
En vá hvað þetta er leiðinleg bloggfærsla! biðst afsökunar á því, þegar það er ekki meira áhugavert að gerast í lífinu hjá manni kemur það svona fram
svo er nú alveg spurning um að fara leggja þessu bloggi?
Fréttir sem þessar eru að verða sífellt algengari og fólk virðist ekki lengur vera kippa sér upp við þetta... Við höfum það orðið svo gott núna í dag að fólki virðist vera alveg sama þó eitthvað af því frelsi sem við höfum í dag þjóti út í veður og vind.. hey það er náttúrulega stríð í gangi er það ekki?
Athugið þennan hluta fréttarinnar:
"Þeir sem ætla að skella sér út á næturlífið í Kaupmannahöfn og öðrum stærri borgum Danmerkur mega eiga von á því að lögreglan stöðvi viðkomandi án sérstakrar ástæðu og leiti að vopnum."
Jæja þá er maður búinn að henda inn öllum myndunum frá Þjóðhátíðinni 2007... Ég verð nú að viðurkenna að ég hef oft verið duglegri í að taka myndir.. en þegar maður skemmtir sér svona vel er hugurinn ekki alveg við að festa mómentið á filmu... kannski maður ráði til sín ljósmyndara á næsta ári hehe.. Myndin sem fylgir þessari færslu er þó ekki mynd frá mér, heldur frá Andra Hugo sem var mun duglegri en ég, hann tók um það bil 400 myndir sem eru víst á leiðinni inn á næstu dögum!
En þeir sem hafa áhuga á að skoða myndirnar geta bara skella sér yfir á myndasíðuna mína.
Fékk þessa skemmtulegu mynd frá Sigurgeir ljósmyndara, vona það sé í lagi.. mæli með að fólk skoði þessa síðu... alveg hreint ótrúlegt magn af góðum myndum. Á myndinni frá vinstri er mamma, pabbi, amma Lára og afi Svenni en þau eru nefnilega svo sniðug að eiga afmæli 10 og 11 ágúst. Ekkert að flækja málin neitt. Hún amma á í dag semsagt stórafmæli... 75 ár takk fyrir og afi aðeins á eftir 73 á morgun. vildi nú bara óska þeim báðum til hamingju með daginn. Það verður fjölskylduhittingur í kvöld og það verður borðað góðan mat og svona... ekki slæmt það!
En já til hamingju með daginn amma og afi á morgun!
Svo er nú annað.. í dag var minn síðasti dagur hjá fjölskyldu og fræðslusviði Vestmannaeyjabæjar... þetta athyglisverða sumar er bara að ljúka og ég verð nú að segja að þetta var mjög gott sumar. Vinnan var skemmtileg, öðruvísi og krefjandi og dagarnir í Eyjum yndislegir... þetta er alveg ómetanlegt.
Svo er það bara borgin næst, sumarpróf í Hugfræði og eitt stk BA ritgerð sem þarf að skila og þá er þeim hluta lokið. Einnig tekur við atvinnuleit í stórborginni svo ef einhver veit af frábærri vinnu má sá hinn sami endilega hafa samband.
Er ekki best að pósta þessu svona ef fólk missti af þessu um síðustu helgi hehe
það var svo mikið um svona bull um helgina... og lög maður úff Jón Inga lagið sem var spilað annað hvert lag á laugardeginum, Hááámp og margt fleira rugl, ef maður ætlar að tilgreina alla steypuna sem fór fram þessa helgi þá væri það efni í heila bókaseríu... yndislegt svona
Það er kominn heill hellingur af vídjóklippum frá helginni inn á youtube svæði VKB
Svei mér þá.. ég veit að flestir segja að síðasta þjóðhátíð sé alltaf sú besta en margir segja þjóðhátíðin 2001 eða 2003... Ég hef yfirleitt verið sammála því en núna verð ég að breyta því vegna þess að þjóðhátíðin 2007 er lang skemmtilegasta, vel heppnaðasta og besta þjóðhátíð allra tíma... Ég held bara að það verði seint toppað hehe... ég vil þakka öllum fyrir æðislega stemmningu og skemmtun um helgina og auðvitað gekk allt einhvernveginn upp sem við VKB menn gerðum auk þess sem við höfum fengið mikið lof frá bæði fjölmiðlum og fólkinu í dalnum og það er ómetanlegt!
Myndir og svona dót fer að koma bráðlega, núna er bara að ganga frá og hnýta lausa enda og koma sér til Rvk og koma sér í lærdómsstellingarnar þetta er víst bara að verða búið þetta sumar... en jæja.. takk takk allir fyrir frábæra stemmningu
